Movt ovddidit álbmotdearvvašvuođa ja eallindili sámi guovlluin? Mii dáhttut cealkámušaid dása!
Artihkal | Maŋimuš ođasmahttojuvvon: 25.08.2023 | Gielda- ja guovlodepartemeanta, Dearvvašvuođa- ja fuolahusdepartemeanta
Dearvvašvuođa- ja fuolahusdepartemeanta ja Gieldda- ja guovlludepartemeanta háliidit ahte buvttát cealkámuša dan jahkásaš stuoradiggedieđáhussii, mii lea sámegiela, sámi kultuvrra ja servodateallima birra, mii 2024:s galgá leat sámi guovlluid álbmotdearvvašvuođa ja eallindiliid birra. Lassin dasa ahte doallat cealkámuščoahkkimiid iešguđet báikkiin riikkas, de háliidit mii maiddái ahte bohtet čálalaš cealkámušat dieđáhusbargui.
Ráđđehus almmuhii njukčamánu 2023 stuoradiggedieđáhusa Meld. St. 15 (2022-2023) Folkehelsemeldinga – Nasjonal strategi for utjamning av sosiale helseforskjellar (Álbmotdearvvašvuođadieđáhus – Nationála strategiija dásset sosiála dearvvašvuođaerohusaid). Álbmotdearvvašvuođadieđáhusas árvala ráđđehus servodatheivehuvvon doaibmabijuid buori dearvvašvuođa ovddideami várás álbmogis ja dássen várás sosiála dearvvašvuođaerohusaid. Dát dieđáhus lea temáhtalaš rámman stuoradiggedieđáhussii sámi guovlluid álbmotdearvvašvuođa ja eallindiliid birra. Mii háliidivččiimet vuosttažettiin cealkámušaid hástalusaid, resurssaid ja doaibmabijuid birra, mat sáhttet eastadit ja ovddidit dearvvašvuođa. Dat sáhttet leat doaibmabijut, maiguin ovddida buori psyhkalaš dearvvašvuođa ja eallinkvalitehta, buriid eallindábiid, buorida dearvvašvuođagelbbolašvuođa ja eará. Cealkámušaid das movt ovddida dearvvašvuođafálaldagaid sámi guovlluin háliidit mii eará oktavuođain.
Mii háliidit earenoamážiid cealkámušaid daid birra:
- Mat leat sámi guovlluin earenoamáš álbmotdearvvašvuođa- ja eallindillehástalusat?
- Makkár buriid beliid sámi kultuvrras ja servodateallimis sáhttá nannet, mat dagahit buori dearvvašvuođa?
- Man bures heive dat obbalaš álbmotdearvvašvuođapolitihkka ovddidit dearvvašvuođa sámi álbmogis, ja makkár heiveheamit dárbbašuvvojit?
- Maid sáhttá ráđđehus dahkat vai buorida álbmotdearvvašvuođa ja eallindili sámi guovlluin?
Stuoradiggedieđáhus galgá biddjot ovdan giđđat 2024:s. Mii dáhttut cealkámušaid maŋemusat golggotmánu 15.beaivvi 2023.
Cealkámušat almmuhuvvojit dađistaga dán siiddus. Vástádusat, mat sisttisdollet áitagiid dahje gudnerihkkumiid, eai almmuhuvvo.