Davviriikkalaš sámi giellabálkkašupmi – Gollegiella – geigejuvvui nuppes

Davviriikkalaš sámi giellabálkkašupmi – Gollegiella – geigejuvvui nuppes sámediggepresidenttaid ja Suoma, Ruoŧa ja Norgga sámiáššiid ministariid jahkásaš oktasaščoahkkimis   Oslos golggotmánu 18.b. Dán jagi vuoitit leaba Juoni Moshnikoff ja Harald Gaski.

Harald Gaski, stáhtaráđđi Bjarne Håkon Hanssen ja Juoni Moshnikoff

Giellabálkkašupmi lea 100 000 kruvnno ja addui vuohččan 2004:s. Bálkkašupmi sáhttá addot ovttaskas olbmuide, joavkkuide, organisašuvnnaide dahje ásahusaide mat leat áŋgiruššan sámegiela ovddas.

Dán jagi bálkkašumi juogadeaba Juoni Moshnikoff guhte lea áŋggirdan nuortasámegiela ovddas, ja Harald Gaski guhte lea áŋggirdan sámi giela ja girjjalašvuođa ovddas. Stáhtaráđđi Bjarne Håkon Hanssen geigii bálkkašumi davviriikkalaš sámeministariid ja sámediggepresideanttaid bealis ráđđehusa ovddastusásodagas Parkveienis.

Árvvoštallanlávdegotti jođiheaddji ákkastalai bálkkašumi juohkima ná:

- Juoni Moshnikoff lea eahpitkeahttá olmmoš guhte lea guhkilmas beroštumiinnis ja áŋggirdemiinnis leamaš njunnožis nuortasámegiela čállingiela ovdánahttimis, ja erenoamážit sátneriggodaga ovdánahttimis. Harald Gaski giellaovddidanbargu, masa maiddái sámi girjjálašvuohta gullá, lea leamaš hui mávssolaš sámi servodahkii.

Sámediggepresideanta Aili Keskitalo loahpahii bálkkašumimeanuid.

Stáhtaráđi Bjarne Håkon Hansena sárdni
Árvvoštallanlávdegotti ákkastallan   Nuortasámegillii (PDF) 
Juoni Moshnikoffa sárdni: Davvisámegillii  Suomagillii PDF) 
Harald Gaski sárdni PDF)
Sámediggepresideantta Aili Keskitalo sárdni (PDF)