Aktiver Javascript i din nettleser for en bedre opplevelse på regjeringen.no

Máilmmálaš hábmen

Máilmmálaš hábmen lea našunála strategiija heivehit beasatlašvuođa buohkaide servodagas. Mánáid-, dásseárvo- ja searvadahttindepartemeanta galgá oktiiordnet ráđđehusa suorgái guoski politihka máilmmálaš hábmen ja beasatlašvuođa doaibmaplána 2009-2013 bokte.

Máilmmálaš hábmen lea našunála strategiija heivehit beasatlašvuođa buohkaide servodagas.  Mánáid-, dásseárvo- ja searvadahttindepartemeanta galgá oktiiordnet ráđđehusa suorgái guoski politihka  máilmmálaš hábmen ja beasatlašvuođa doaibmaplána 2009-2013 bokte.

Máilmmálaš hábmen – dásseárvu ja sosiála ja ekonomalaš ceavzin

Máilmmálaš hábmen buktá olbmodahkkon servodahkii positiivvalaš čovdosiid buot ássiide ja Norgga servodahkii muđui. Guovddáš ulbmil lea ahte eastit vealaheami vuoliduvvon doaibmannávccaid geažil ja sajáidahttit beasatlašvuođa dábálaš čovdosiid bokte. Máilmmálaš hábmen váikkuha positiivvalaččat sosiála ja ekonomalaš ceavzimii ja birgejupmái.

Ráđđehusa bargu

Ráđđehusa bargu dán suorggis čuovvu suorgevástideaddjiprinsihpa. Máilmmálaš hábmenstrategiijat ja guoskevaš doaibmabijut leat mielde departemeanttaid ovddasvástádussuorggis.  Direktoráhtas ja stáhtaetáhtain lea vástu čuovvolit barggu iežaset suorggis. Lágat, láhkaásahusat ja standárddat leat mávssolaš gaskaoamit. Máilmmálaš hábmen lea mielde guovddáš ásahusaid lágain. Iešguđet fágasuorggit vástidit barggu ja čuovvoleami.

Mánáid-, dásseárvo- ja searvadatdepartemeanta  vástida vealahan- ja olámuttoslága mii sisttisdoallá máilmmálaš hábmen ja beasatlašvuođa guoskevaš njuolggadusaid. Máilmmálaš hábmen doaibmabijuid ruhtadeapmi čuovvu suorgevástideaddjiprinsihpa, ja ruhtaduvvojit dábálaččat iešguđet departemeanttaid bušeahtaid bokte.

Ráđđehusa máilmmálaš hábmen ja beasatlašvuođa doaibmaplána 2009-2013

Mánáid-, dásseárvo- ja searvadahttindepartemeanta koordinere ráđđehusa máilmmálaš hábmen ja beasatlašvuođa doaibmaplána 2009-2013. Plána višuvdna lea ahte Norga galgá heivvolaččat hábmejuvvon ovdal jagi 2025. Doaibmaplána sisttisdoallá lagabui 200 doaibmabiju maid 15 departemeantta hálddašit. Ulbmilat leat biddjojuvvon olu doaibmabijuide. Ráđđehus lea vuoruhan áŋgiruššansurggiid olgobirrasiid/plánenbargguid, visttiid, johtalusa ja DKT.  Dás deattuhuvvo ahte doaibmabijut maiddái váikkuhivčče positiivvalaččat bargooassálastimii.    

Bajás