Šiehtadusain nannejuvvon penšuvdna– ŠNP
Artihkal | Maŋimuš ođasmahttojuvvon: 08.12.2014 | Bargo- ja searvadahttindepartemeanta
Ođđajagemánu 1. b. 2011 rájes sáhttet álbmotoaju ahkepenšuvnna váldit geabbilit 62 jagi rájes. Priváhta suorggi ŠNP-ortnet (šiehtadusain nannejuvvon penšuvdnaortnet) rievdaduvvui maid dalle, ja lea dál hábmejuvvon lasáhussan, mii boahtá álbmotoaju ahkepenšuvnna lassin. Almmolaš suorggis leat baicce doalahan ŠNP árrapenšuvdnaortnegin ahkejoavkkus 62 – 66 jahkái.
Priváhta suorggi ŠNP
Priváhta bargosuorggi oassebealit sohpe 2008 bálkášiehtadusa oktavuođas ođđa ŠNP, mii heivehuvvo penšuvdnaođastussii. Guovvamánus 2010 Stuorradiggi mearridii nannet lágain priváhta suorggi bálkášiehtadusa ŠNP-soahpamušaid (nu gohčoduvvon ŠNP-lasáhusláhka/AFP-tilskottsloven).
Ođđa ŠNP lea hábmejuvvon álbmotoaju ahkepenšuvnna eallima guhkkosaš lasáhussan, ja dan sáhttá áramusat váldit 62-jahkásažžan. Jahkepenšuvdna lea stuorát, mađe maŋŋeleappos dan váldá, ja priváhta suorggi ođđa ŠNP ii vuoliduvvo, nu mo álbmotoaju ahkepenšuvdnage ii vuoliduvvo, vaikko seammás lea barggus ja oažžu das dietnasa.
Ođđa ŠNP gusto buohkaide, geat leat riegádan 1944 dahje dan maŋŋá, ja geat leat váldán ŠNP 2011 dahje dan maŋŋá. Olbmuide geat leat váldán ŠNP ovdal 2011, gustojit ovddit njuolggadusat dassáigo sii oažžugohtet ahkepenšuvnna, go devdet 67 jagi.
Rehkenastte iežat penšuvnna
Sáhtát rehkenastit ođđa ŠNP sturrodaga dan mielde goas dan válddášit, go geavahat NBČ neahttabálvalusa Din pensjon. . Rehkenastin
dahkkojuvvo dan vuođul, man ollu dutnje lea čoagganan penšuvdnadienas.
Loga eanet
- ŠNP oktasašortnet
- Šiehtadusain nannejuvvon penšuvdna (NBČ)
- Láhka stáhtadoarjaga birra bargiide, geat váldet šiehtaduvvon nannejuvvon penšuvnna priváhta suorggis (ŠNP-lasáhusláhka) / Lov om statstilskott til arbeidstakere som tar ut avtalefestet pensjon i privat sektor (AFP-tilskottsloven) (Lovdata)
Almmolaš suorggi ŠNP
2009 bálkášiehtadusas almmolaš suorggi oassebealit sohpe doalahit eanaš almmolaš suorggi ŠNP njuolggadusaid 2011 maŋŋá, nu maiddái njuolggadusaid, mat gusket penšuvnna geahpedeapmái bargodietnasa vuostá. Olbmot, geat válljejit álbmotoaju ahkepenšuvnna ovdalgo sii devdet 67 jagi, eai sáhte seammás váldit almmolaš suorggi ŠNP.