Buorre jođiheapmi stáhtas – Jođihanplakáhtta 2014

Stáhtas lea hui buorre jođiheapmi ja ollu čeahpes jođiheaddjit. Ráđđehusas leat stuora vuordámušat ja háliida iežas jođiheddjiide čájehit luohttámuša. Lea dehálaš ahte jođiheaddjit váldet ovddasvástádusa ja geavahit iežaset doaibmanfriddjavuođa. Ođđa jođihanplakáhtta galgá doaibmat doarjjan jođiheddjiide ja geavahuvvot ovddidettiin jođihandoaimmaid stáhtas. Plakáhtta gaskkusta bajitdási vuordámušaid jođiheddjiide ja buorre jođiheapmái dehálaš dovdomearkkaid.

Stáhtas lea hui buorre jođiheapmi ja ollu čeahpes jođiheaddjit. Ráđđehusas leat stuora vuordámušat ja háliida iežas jođiheddjiide čájehit luohttámuša. Lea dehálaš ahte jođiheaddjit váldet ovddasvástádusa ja geavahit iežaset doaibmanfriddjavuođa. Ođđa jođihanplakáhtta galgá doaibmat doarjjan jođiheddjiide ja geavahuvvot ovddidettiin jođihandoaimmaid  stáhtas. Plakáhtta gaskkusta bajitdási vuordámušaid jođiheddjiide ja buorre jođiheapmái dehálaš dovdomearkkaid. 

Jođihanplakáhtta lea oassi Prográmmas movt buoridit stivrejumi ja jođiheami stáhtas, mas doaimmat leat juogaduvvon viđa áŋgiruššansuorgái. Prográmma ulbmil lea bohtosiid ja čađahannávccaid buoridit hálddašeamis. Servodat rievdá johtilit ja gáibádusat jođiheapmái rivdet seamma johtilit. Jođiheaddji ferte ovdánahttit iežas jođihannávccaid olles áiggi.

Jođihanplakáhta ulbmiljoavku lea buot stáhta jođiheaddjit. Stáhta njunnošiid ovddasvástádus lea čielggasmahttit bajitdási vuordámušaid jođiheddjiid hárrái ja buorre jođiheami dehálaš dovdomearkkaid mat doaimmahusain leat. Dat galgá leat vuolggasadji jođiheddjiid čuovvoleamis ja hábmedettiin jođihanprinsihpaid iešguhtet doaimmahusas, heivehuvvon doaimmahusa iehčanasvuhtii ja hástalusaide.

Plakáhta ráhkadeami oktavuođas leat jođiheaddjit iešguhtet dásis ja akademiija jođihanáššedovdit leamaš mielde. Jođihanplakáhtta dievasmahttá “Plattform for ledelse i staten”, mii dál juo lea moadde jagi boaris (2008).

Jođihanplakáhta oktavuođas leat maid ráhkaduvvon čuovgagovat maid jođiheaddjijoavkkut sáhttet geavahit, go galget digaštallat ja duođaštit doaimmahusa hástalusaid buorre jođiheami ja jođihanplakáhta iešguhtet surggiid ektui.