NATO doarju Eurohpá sihkkarvuođa

Almmustahttináigodat Solberga ráđđehus

Almmustahtti: Suodjalusdepartemeanta

-Lea dehálaš ahte NATO doalada iežas čoahkis gáibideaddji sihkkarvuođapolitihkalaš dilis, cealká Ine Eriksen Søreide suodjalusministtarčoahkkima maŋŋá, mii lágiduvvui geassemánu 3.-4.b. 2014.

Suodjalusministtar Ine Eriksen Søreide oassálastá NATO suodjalusministtarčoahkkimis, Brusselis, geassemánu 3.- 4.b.2014 (Govven: Marita I. Wangberg, SD).

-Lea dehálaš ahte NATO doalada iežas čoahkis gáibideaddji sihkkarvuođapolitihkalaš dilis, cealká Ine Eriksen Søreide suodjalusministtarčoahkkima maŋŋá, mii lágiduvvui geassemánu 3.-4.b. 2014.

Sihkkarvuođapolitihkalaš dilli Eurohpás leai okta váldotemán go NATO suodjalusministarat deaivvadedje Brusselis.

-NATO vuoruha fas nannosit oktasaš suodjalusa. NATO lea politihkalaš lihttu, muhto jos dat galggaš luohtehahtti, de das fertejit buorit soahtevearjjut. Danne lea dehálaš ahte mii ovttas nannet suodjalusa soahtenávccaid, investeremiid dáfus ja movt buoremusat ávkkástallat daid gaskaomiid mat juo gávdnojit. Mii áigut ain deattuhit nana ja návccalaš soahteveaga mii galgá fuolahit NATO guovddášdoaimmaid, suodjalusministtar Ine Eriksen Søreide dadjá. 

USA duođaštii ahte sii áigot Kongressii árvalit ahte riika galgá juolludit gitta 1 miljárdda dollára doaibmabijuide vai lihttoriikkaid nuortan lea dorvvolaš dilli. NATO-riikkat leat ovdal juo sádden girdiid, skiippaid ja muđui soahteveagaid dáid miellahturiikkaide. Buot 28 miellahtturiikka veahkehit iešguđet láhkai.   

Norga lea positiiva dasa ahte veahkehit lihttoriikkaid geat dovdet iežaset uhkiduvvon, ja oaččuhit áigá buoret áddejumi. Mii leat lasihan NATO maritiibma  soahtefatnasiid, ja leat mielde soahtehárjehallamiin Baltikumas. Maid NATO áigu bargat ovddasguvlui šaddá vuđolaččat ságastallojuvvot ovdal váldočoahkkima. USA veahkki šaddá seammás hástalussan Eurohpái, go dat ferte čuovvoluvvot iežamet gaskaomiiguin, dadjá suodjalusministtar. 

Nanne ovttasbarggu

NATO-Ukraina-kommišuvdna čoahkkimis čilgii áiddo válljejuvvon Ukraina suodjalusministtar movt dilli lea riikkas.

-NATO áigu nannet ovttasbarggu Ukrainain, ja Norga áigu vuosttažettiin fállat soahtehearrá NATO kantuvrii Kievas. Mii geahčadat makkár vejolašvuođat gávdnojit nannet suodjalusovttasbarggu vel eanet, dadjá Eriksen Søreide.

Norga mearridii gieskat bissehit plánejuvvon guovtteriikkagaskasaš doaimmaid Ruoššain dán jagi olggos, nu go olu eará lihttoriikkat leat dahkan.  

Afghanistána

Bearjadaga, geassemánu 3.beaivve áigu suodjalusministtar ságastallat dálá ISAF-doaimmaid heaittiheami birra Afghanistánas, ja vejolaš ođđa doaimmaid birra maŋŋil 2014.

NATO-Georgia-kommišuvdna áigu maid lágidit čoahkkima.

Geahča eanet govaid suodjalusministtarčoahkkimis dáppe: https://m.flickr.com/photos/n-a-t-o/sets/72157644994328874/