Aktiver Javascript i din nettleser for en bedre opplevelse på regjeringen.no

Árat doarjja servodahkii ávkkálaš ja humanitára organisašuvnnaide

Dát sisdoallu lea eanet go 4 mánu boaris. Danne sáhttet dieđut leat boarásmuvvan. Ođasmahttojuvvon dieđuid oainnát dás Corona-dilli.

Ráđđehus lea nannen gaskaboddasaš láhkaásahusa, mainna spiehkastit njuolggadusain, maid vuođul juolludit doarjaga Norsk Tippinga badjebáhcagis servodahkii ávkkálaš ja humanitára organisašuvnnaide. Dan láhkai geahpedit Korona-roasu váikkuhusaid.

- Mii leat johtilit rievdadan láhkaásahusa, nu ahte organisašuvnnaid ruhtadilli buorrána. Seammás mii bargat ain doaimmaiguin, maiguin geahpedit hástalusaid, mat dán suorggis leat korona geažil, dadjá kultur- ja dásseárvoministtar Abid Q. Raja.

- Gaskaboddasaš láhkaásahusa vuođul servodahkii ávkkálaš ja humanitára organisašuvnnaide sáhttet máksit Norsk Tippinga doarjaga jo miessemánus. Doarjagat leat čanastagaid haga, ja go doarjja boahtá árat, de dat veahkeha organisašuvnnaid váttis áiggis. Dát lea okta min vugiin geahččalit doallat doaimmaid jođus, muitala kultur- ja dásseárvoministtar.

Organisašuvnnat, mat ožžo doarjaga ortnegis 2019, ožžot 2020 doarjaga jagi 2018 jahkerehketdoalu vuođul. Organisašuvnnat, mat devdet láhkaásahusa eavttuid, muhto mat eai ožžon doarjaga 2019, sáhttet ohcat doarjaga 2018 jahkerehketdoalu vuođul.

Dieđut ortnega birra ja ohcanáigemeari gávnnat Lotteriija- ja vuođđudusgeahču siidduin (dárogillii)

Gaskaboddasaš láhkaásahus mainna spiehkastit Norsk Tippinga badjebáhcaga juolludannjuolggadusain servodahkii ávkkálaš ja humanitára organisašuvnnaide, vai geahpedit covid-19 njoammuma čuovvumušaid (.pdf) (dárogillii)