Arkiivadoaimmahat nannejuvvo ja ovdánahttojuvvo

- Arkiivadoaimmahaga dálá organiseren ii heive etáhta hástalusaide, dadjá kulturministtar Linda Hofstad Helleland.

- Ráđđehus doarju danne ođđasit organiseret Arkiivadoaimmahaga mii nanne stáhtaarkiivva, ii ge heaittihit dan nu go soapmásat leat čuoččuhan. Dat ii leat goassige evttohuvvon, deattuha Hofstad Helleland.

Ođđasit organiserema ulbmil lea nannet Arkiivadoaimmahaga. Stáhtaarkiiva ja stáhtaarkiivadoallit galget bisuhit viidodaga, nama ja doaimmaid. Stáhtaarkiiva galgá dasa lassin spesialiserejuvvot go sirdá nationála bargguid Riikaarkiivvas. Riikaarkiivva evttohusas lea eanet almmolaš váldegeavahus. Ii ovddiduvvo láhkaproposišuvdna ođđasit organiserema hárrái.

- Munnje lea duođaštuvvon ahte bargu dáhpáhuvvá Váldošiehtadusa mielde stáhtas ja bargiid mielmearrideami mielde, dadjá kulturministtar.

Riikaarkiivva geahčadeapmi čájeha ahte dálá organiseren unnán áimmahuššá Arkiivadoaimmahaga ovddasvástádusa digitála arkiivvaide. Resursageavaheapmi lea maiddái heittot ja lea dárbu eanet gealboloktemii. Analysat geažuhit maiddái ahte etáhta ossodagat fertejit ovttasdoaibmat buorebut sihke siskkáldasat ja olgguldasat. Riikaarkiivadoalli oaivvilda leat dehálažžan čađahit nuppástusproseassa mii galgá čalmmustahttit njuolggadusaid ja eanet spesialiserejuvvon ovddasvástádus- ja bargojuoguid.