Boazodoallit ožžot unnit divadiid

– Boazodoallit ožžot jahkásaččat 30–35 miljovnna kruvdnasaš divatgeahpedeami go ostet skohtera ja ATV. Dát geahpeda ovttaskas boazodoalli goluid ja dagaha ealáhusa eanet gánnáhahttin, dadjá eanadoallo- ja biebmoministtar Jon Georg Dale.

Šaddá dásseárvosažžan eanandoaluin

Ráđđehus oaivvilda boanddaid ja boazodolliid galgat meannuduvvot seamma láhkai divatluvvemis go lea sáhka doaibmareaidduid oastimis. Boazodoallit ožžot danne divatgeahpedeami doaibmareaidduin nugo skohteris ja ATV:s. 

Jon Georg Dale válddii stáhtaministara Erna Solberga
Jon Georg Dale válddii stáhtaministara Erna Solberga mielde Áltái, gos earret eará galledeigga boazodoalli Nils Henrik Sara. Mátkki ulbmilin lei čalmmustahttit kultuvrra, biepmu ja doaimmaid mat leat čadnon boazodollui. Govva: Eanadoallo- ja biebmodepartemeanta

Áigot ovdánahttit boazoealáhusa

Vai boazodoallu ovdánahttojuvvo ealáhussan, de lea dehálaš ja riekta ahte maiddái fievrrut mat geavahuvvojit barggus, adnojuvvojit doaibmareaidun. Ahte boazodoalli oažžu divatgeahpedeami go oastá doaibmareaidduid seamma láhkai go eanandoalus, lea lunddolaš ja dehálaš čuovvoleapmi ođđaseamos boazodoallodieđáhusas. Dát lea dehálaš doaibmabidju ovdánahttit boazodoalu ulbmillaš ja márkanguvllot ealáhussan. Ortnet gustogoahtá suoidnemánu 1.b. 2018.

– Boazodoallu lea ealáhus mas leat stuorra vejolašvuođat. Ráđđehus áigu dássidit boazodoalu eanandoaluin go lea sáhka doaibmareaidduid oastimis. Dál bohtet rievdadusat reviderejuvvon nationálabušeahtas, dadjá eanandoallo- ja biebmoministtar Jon Georg Dale.
– Boazodoallu lea ealáhus mas leat stuorra vejolašvuođat. Ráđđehus áigu dássidit boazodoalu eanandoaluin go lea sáhka doaibmareaidduid oastimis. Dál bohtet rievdadusat reviderejuvvon nationálabušeahtas, dadjá eanandoallo- ja biebmoministtar Jon Georg Dale. Govva: Eanandoallo- ja biebmodepartemeanta
Bajás