Koronaboahkku fállojuvvo 12–15-jahkásaččaide

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Ráđđehus lea mearridan ahte 12–15-jahkásaččaide galgá fállojuvvot koronaboahkku, Álbmotdearvvašvuođa ávžžuhusaid mielde. Ahkejovkui fállojuvvo álggos okta boahkkodosa.

– Fágalaš rávvagat leat ahte 12–15-jahkásaččaide leat eanet ovdamunit go heajos bealit boahkuheamis. Dat lea leamašan mearrideaddji ráđđehussii. Dál lea olu njoammun mánáid ja nuoraid gaskka, ja boahkku addá veahkkin eanet dábálaš árgabeaivvi dán jovkui, dadjá stáhtaministtar Erna Solberg.

– Dál leat mis olu boahkut, ja muhtin suohkanat sáhttet jođánit jo álgit boahkuhit 12–15-jahkásaččaid. Rievddada suohkanis suohkanii man olu bargodeaddu lea boahkuheami, testema ja njoammunguorrama oktavuođas. Sii fertejit ieža árvvoštallat sáhttet go oktanis álgit boahkuhit dán ahkejoavkku, dadjá dearvvašvuođa- ja fuolahusministtar Bent Høie.

Boahkut leat dohkkehuvvon 12-jahkásaččaide ja boarraseappuide. Olu riikkat, earret eará Dánmárku, Suopma, Islánda, USA ja Canada fállet jo boahku dán ahkejovkui.

Sidjiide geat leat riegádan 2009:s, fertejit suohkanat ásahit vuogádaga vai sii geat eai leat vuos deavdán 12-jagi, gohččojuvvojit dađistaga go devdet 12-jagi.

Vurdet eanet máhtu
FHI deattuha ahte 12–15-jahkásaš nuoraide dábálaččat lea hui buorre ávki boahkus, ja lea jáhkehahtti ahte okta dosa suodjala guhkit dán ahkejoavkku go rávisolbmuid. FHI áigu ođđasis árvvoštallat ođastuvvon dieđuid vuođul duođalaš lassiváikkuhusaid, dávdaovdáneami ja oppalaš dili birra ovdal go vejolaččat ávžžuhit addit nuppi dosa dán ahkejovkui.

12–15-jahkásaččat leat oktiibuot sullii 260 000 olbmo, dahje 4,8 proseantta álbmogis. Golbma jahkebuolvva gullet nuoraidskuvlii (2008,2007 ja 2006), ja okta jahkebuolva gullá mánáidskuvlii (2009).

Lea vuoigatvuohta gullot
Leat váhnemat geat loahpalaččat mearridit galget go sin mánát boahkuhuvvot. 12–15-jahkásaš nuorat eai leat dearvvašvuođarievttálaččat válddálaččat, muhto sin oaiviliid iežaset dearvvašvuođa birra galgá gullat. Koronaboahkuheapmi eaktuda dohkkeheami sus geas dahje sudnos geain lea váhnenovddasvástádus.

– FHI áigu ráhkadit heivehuvvon dieđuid 12–15-jahkásaččaide masa sis lea riekti ON mánáidkonvenšuvnna mielde, dadjá Høie.