Marit Wiig ođđa ekspedišuvdnahoavdan Valaštallanossodahkii
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 8-2010 | Almmustahtton: 12.02.2010 | Maŋimuš ođasmahttojuvvon: 28.04.2010
Marit Wiig nammaduvvui otná stáhtaráđis ekspedišuvnahoavdan Kulturdepartemeantta Valaštallanossodahkii. Dassážii son barggai sierraráđđeaddin Stáhtalaš ekonomiijastivrejumi guovddážis.
Marit Wiig nammaduvvui otná stáhtaráđis ekspedišuvnahoavdan Kulturdepartemeantta Valaštallanossodahkii. Dassážii son barggai sierraráđđeaddin Stáhtalaš ekonomiijastivrejumi guovddážis.
Wiig lea bargan máŋgga servodatsuorggis. Son lea bargan ekspedišuvdnahoavdan Geavaheaddjiid- ja hálddahusdepartemeanttas, tuollodirektevran, NHOa direktevran ja Máilmmebáŋkku ráđđeaddin guokte jagi. Sus leat maiddái leamaš máŋga luohttámušdoaimma Norgga valaštallamis, earret eará son lea leamaš Norgga Valaštallanlihtu várrepresideanta.
- Marit Wiigs lea guhkesáigásaš bargoduogáš sihke valaštallamis ja departemeantavirggiin. Son lea hui gelbbolaš ekspedišuvdnahoavda guhte váldá badjelasas Valaštallanossodaga jođiheami, cealká kulturministtar Anniken Huitfeldt.
Wiig lea riegádan jagi 1949 ja lea cand.jur. oahpu čađahan Oslo universitehtas.
- Mus lea hui buorre bargomokta, erenoamážit dannego dál sáhtán ovttastit sihke beroštumi ja vásáhusaid valaštallamis, mii lea dakkár suorgi mii mu álot lea beroštahttán áŋgiruššat. Valaštallan lea maiddái áiggi dáfus dakkár gelddolaš dilis ahte das leat ollu hástalusat. Mus lea ovddasguvlui miella váikkuhit valaštallama buoremus ovdáneapmái dan doaimma vuođul mii mus departemeanttas lea, cealká Wiig.