Ođđa olahus vuovdesuodjaleamis

Jagis 2017 suodjaluvvo eanet vuovdi go goassege ovdal. Oktiibuot dán jagi lea 114 vuovdeguovllu suodjaluvvon, gos 213 njealjehaskilomehtera lea produktiivvalaš vuovdi. Ráđđehus lea odne suodjalan vel 49 ođđa vuovdeguovlluid logi fylkkas.

-Ii goassege ovdal leat eanet vuovdi suodjaluvvon go jagis 2017. Ráđđehus ja doarjjabellodagat leat eambbo go duppalastán vuovdesuodjalanáŋgiruššama. Dán jagi juolludeapmi vuovdesuodjaleapmái lea 442 miljovnna ruvnno ja lea eanemus mii goassege lea juolluduvvon, dadjá dálkkádat- ja birasgáhttenministtar Vidar Helgesen.

Áimmahuššet luonddugirjáivuođa

- Dát olahusolu vuovdesuodjaleapmi lea lávki dan guvlui ahte suodjalit logi proseantta vuovddis. Dat lea mielde váikkuheame áitojuvvon šlájaid ja luondduhámiid áimmahuššamii, dadjá Vidar Helgesen.

Vuovdesuodjaleapmi lea veahkkin olahit dáid luonddugirjáivuođa mihttomeriid:

  • Okta ovddasteaddji dihtomearri norgga luonddus galgá suodjaluvvot boahtte buolvvaide.
  • Ii makkárge šládja ja luondduhápmi galgga oalát jávkaduvvot, ja áitojuvvon ja meastta áitojuvvon šlájaid ja luondduhámiid ovdáneapmi galgá buoriduvvot.

Eaktodáhtolaš vuovdesuodjaleapmi

Dáinna maŋemus mearrádusain suodjaluvvojit 110 njealjehaskilomehtervuovdi, mas 64 njealjehaskilomehter lea produktiivvalaš vuovdi. Guovllut leat oassin priváhtaeaiggáduvvon vuvddiid eaktodáhtolaš suodjalanbarggus, earret golbma guovllu maid Statskog ja Birasdirektoráhtta eaiggáduššet.

-Dán jagi leat olles 91 guovllu suodjaluvvon eaktodáhtolaččat priváhta vuovdeeaiggádiin. Eaktodáhtolaš vuovdesuodjalanovttasbargu lea šaddan váldobielkán norgga luonddu girjáivuođa sihkkarastinbarggus, dadjá Vidar Helgesen. 

Dán rádjái leat 440 guovllu suodjaluvvon eaktodáhtolaš suodjalanbarggu oktavuođas.  Lea stuora beroštupmi eaktodáhtolaš vuovdesuodjaleapmái, ja máŋgga guovllus leat plánat suodjalit ain eanet vuovdeguovlluid boahttevaš jagiin.

Dán rádjái lea 3,2 proseanta produktiivvalaš vuovddis riikkas suodjaluvvon, ja badjelaš njeallje proseanta dan obbalaš vuovdeareálas.

Dát 49 guovllu leat dál suodjaluvvon:

  1. Strandaliane luonddureserváhtta Suldal suohkanis, Rogaland fylkkas
  2. Svingervann luonddureserváhtta (viiddideapmi) Kristiansand suohkanis, Vest-Agder fylkkas
  3. Vassvann luonddureserváhtta Kristiansand suohkanis, Vest-Agder fylkkas
  4. Heddeviksfjell luonddureserváhtta Bygland suohkanis, Aust-Agder fylkkas
  5. Kviteflogi luonddureserváhtta Bygland suohkanis, Aust-Agder fylkkas
  6. Rosstøl luonddureserváhtta Tvedestrand suohkanis, Aust-Agder fylkkas
  7. Åslandsøya og Kjeøya luonddureserváhtta Åmli suohkanis, Aust-Agder fylkkas
  8. Hækjenkleiv luonddureserváhtta Åmli kommne, Aust-Agder fylkkas
  9. Reismyr luonddureserváhtta (viiddideapmi) Åmli suohkanis, Aust-Agder fylkkas
  10. Vardeheia luonddureserváhtta (viiddideapmi) Åmli suohkanis, Aust-Agder fylkkas
  11. Bjørnstadfjellet luonddureserváhtta Gjerstad suohkanis, Aust-Agder fylkkas
  12. Fossbufjellet luonddureserváhtta Gjerstad suohkanis, Aust-Agder fylkkas
  13. Langåsen luonddureserváhtta Flesberg ja Rollag suohkaniin, Buskerud fylkkas
  14. Surtebergflaget luonddureserváhtta Krødsherad suohkanis, Buskerud fylkkas
  15. Trillemarka-Rollagsfjell luonddureserváhtta (viiddideapmi) Sigdal, Rollag ja Nore ja Uvdal suohkaniin, Buskerud fylkkas
  16. Veikulåsen luonddureserváhtta (viiddideapmi) Gol suohkanis, Buskerud fylkkas
  17. Juvsåsen luonddureserváhtta (viiddideapmi Sigdal suohkanis, Buskerud fylkkas
  18. Presteseter luonddureserváhtta (viiddideapmi) Hof ja Sande suohkaniin, Vestfold fylkkas
  19. Brånakollane luonddureserváhtta (viiddideapmi) Larvik suohkanis, Vestfold fylkkas
  20. Fjærevardåsen luonddureserváhtta Larvik suohkanis, Vestfold fylkkas
  21. Vestfjella luonddureserváhtta (viiddideapmi) Halden suohkanis, Østfold fylkkas
  22. Svantjern luonddureserváhtta Halden suohkanis, Østfold fylkkas
  23. Styggdalen luonddureserváhtta Nannestad ja Lunner suohkaniin, Akershus ja Oppland fylkkain
  24. Skotjernfjellet ja Snellingsrøysene luonddureserváhtta (viiddideapmi) Nannestad ja Lunner suohkaniin, Oppland ja Akershus fylkkain
  25. Rud luonddureserváhtta Enebakk suohkanis, Akershus fylkkas
  26. Ertsrudberget luonddureserváhtta Nes ja Sør-Odal suohkaniin, Hedmark ja Akershus fylkkain
  27. Skandøla luonddureserváhtta Hurdal suohkanis, Akershus fylkkas
  28. Svendstuøyene luonddureserváhtta Stor-Elvdal suohkanis, Hedmark fylkkas
  29. Juvberget luonddureserváhtta (viiddideapmi) Åsnes suohkanis, Hedmark fylkkas
  30. Skavdalen luonddureserváhtta Inderøy suohkanis, Davvi-Trøndelága fylkkas
  31. Kammen og Kalddalen luonddureserváhtta Leksvik ja Inderøy suohkaniin, Davvi-Trøndelága fylkkas
  32. Altskardet luonddureserváhtta Namdalseid suohkanis, Davvi-Trøndelága fylkkas
  33. Ferjlia luonddureserváhtta Verran suohkanis, Davvi-Trøndelága fylkkas
  34. Olsengelva luonddureserváhtta Namsos suohkanis, Davvi-Trøndelága fylkkas
  35. Storengvatna luonddureserváhtta Fosnes suohkanis, Davvi-Trøndelága fylkkas
  36. Kolåsen luonddureserváhtta Snåase suohkanis, Davvi-Trøndelága fylkkas
  37. Folldalen luonddureserváhtta Høylandet suohkanis, Davvi-Trøndelága fylkkas
  38. Lødding luonddureserváhtta (viiddideapmi) Namsos suohkanis, Davvi-Trøndelága fylkkas
  39. Mjøsund luonddureserváhtta (viiddideapmi) Nærøy suohkanis, Davvi-Trøndelága fylkkas
  40. Råbesdalen luonddureserváhtta (viiddideapmi) Høylandet suohkanis, Davvi-Trøndelága fylkkas
  41. Almdalen-Ekorndalen luonddureserváhtta (viiddideapmi) Namsos ja Overhalla suohkaniin, Davvi-Trøndelága fylkkas
  42. Høvringslia luonddureserváhtta Sel suohkanis, Oppland fylkkas
  43. Solbrålia ja Stordalsberget luonddureserváhtta (viiddideapmi) Nord-Fron suohkanis, Oppland fylkkas
  44. Bjønnhaugen luonddureserváhtta Gjøvik ja Nordre Land suohkaniin, Oppland fylkkas
  45. Kalvberget luonddureserváhtta Østre Toten suohkanis, Oppland fylkkas
  46. Breie luonddureserváhtta Etnedal ja Nord-Aurdal suohkaniin, Oppland fylkkas
  47. Dokka luonddureserváhtta (viiddideapmi) Nordre Land suohkanis, Oppland fylkkas
  48. Budeiberget luonddureserváhtta Nordre Land suohkanis, Oppland fylkkas
  49. Jøvika og Tønnerud luonddureserváhtta Gran suohkanis, Oppland fylkkas

Guovlluid Bjørnstadfjellet ja Fossbufjellet eaiggáduššá Statskog SF. Dasa lassin eaiggáduššá Statskog SF osiid Skavdalen ja Kammen ja Kalddalen guovlluin. Birasgáhttendirektoráhtta eaiggáduššá areálaid Almdalen-Ekorndalenis. Areálat muđui leat oassin priváhtaeaiggáduvvon vuvddiid eaktodáhtolaš suodjalanortnegis.

 

 

Bajás