Vástádus Romssa ja Finnmárkku sátnejođiheddjiide boazodoalu guohtunroasu birra

Dát sisdoallu lea eanet go 1 jagi boaris. Danne sáhttet dieđut leat boarásmuvvan.

Eanadoallo- ja biebmoministtar lea njukčamánu 20.beaivve 2020 ožžon reivve 33 Romssa ja Finnmárkku sátnejođiheaddjis. Sátnejođiheaddjit dovddahit ahte sii vuorjašuvvet go boazodoalus dál lea duođalaš guohtunroassu, ja ballet ahte dat sáhttá buktit stuora váikkuhusaid boazodoallobearrašiidda guoskevaš gielddain. Viidáseappot sii ohcalit ekonomalaš doaibmabijuid eanadoallo- ja biebmoministaris.