Plánaossodat

Ossodaga ovddasvástádussuorgái gullet hálddašanbarggut, plánen ja váikkuhusguorahallamat,  plána- ja huksenlága mearrádusaid mielde. Ossodagas lea maiddái ovddasvástádus našunála kárta- ja geodatapolitihkkii, ja Stáhta kártadoaimmahaga etáhttastivrenovddasvástádus lea dasa biddjon. Dehálaš bargosuorggit leat lágaid ráhkadeapmi, ráhkadit ja gaskkustit našunála mihttomeriid ja beroštumiid regionála ja báikkálaš plánemis, dohkkehit fylkka- ja fylkkaoasseplánaid, meannudit vuosttildanáššiid, bagadallan das mot plánavuogádaga geavaha, ja ráhkadit politihka gávpot- ja čoahkkebáikeovdánahttimii.

Plánaossodaga ovddasvástádus lea ovttastahttit Eurohpá eanadatkonvenšuvnna atnui váldima Norggas ja ovttastahttit čuovvoleami Ráđđehusa doaibmaplánas ahte galgá eanet beasatlašvuohta olbmuide geain leat vuoliduvvon doaibmannávccat.