Našunálagirjerájus

Čoakkáldathálddašeaddjin ja dutkangirjerájusin lea Našunálagirjerájus dehálaš resursa norgga dutkama siskkáldas struktuvrii. Našunálagirjerájus lea maid kulturpolitihkalaš ásahus vurket kulturárbbi boahttevaš buolvvaide ja girječálliidávvudemiid čalmmustemiide. Čoakkáldat lea erenoamáš diehtogáldu dán áiggi ja boahtteáiggi geavaheapmái. Našunálagirjerádjosis lea erenoamáš ovddasvástádus bálvalusaidis ja vásáhusaidis bokte bargat dan ovdii ahte nannet ja ovddidit Norgga girjerájuid aktiivvalaš ja áigeguovdilis servodatásahussan.

Girjerájussuorggi stáhta ovddidanorgánan galgá Našunálagirjerájus hábmet ja čađahit nationála girjesuorgepolitihka álbmot- ja fágagirjerádjosiidda.

Našunálagirjerájus galgá mearridit girjerádjostandárddaid, ovdánahttit bibliografiijaid ja autoritehtaregistariid, doaimmahit oktasašmagasiinna ja gáiddusluoikamiid vurkengirjeráju bokte ja ovddasvástidit norgga digitála girjeráju ovdáneami.

Našunálagirjerájus galgá doaibmat nationála gelbbolašvuođa- ja resursaguovddážin maid eará girjeráju- ja kultursuorggi guoskevaš ásahusat sáhttet geavahit.

Norgga jietna- ja čálmmehemiidčálagirjerájus lea suoidnemánu 1. beaivvi 2023 rájes laktojuvvon Nationálagirjerádjui. Našuvnnalašbibliotehka lea dalle váldán badjelasas ovddasvástádusa buvttadit ja luoikat jietnagirjjiid, e-girjjiid ja girjjiid čuokkisčálagiin olbmuide geain lea doaibmahehttejumi geažil váttis lohkat visuála teavsttaid ja dábálaš girjjiid. Nationálagirjerádju galgá leat mielde ovddideamen ja nannemin fálaldagaid dán ulbmiljovkui.

Juolludusreive ja jahkeraporttat (girjegillii)

Neahttasiidu: https://www.nb.no/