Sámi spábbačiekčanlihttu lágida gaskavahku suoidnemánu 28. beaivvi vuosttaš almmolaš riikačiekčamiid sámi dievdduid riikajoavkkus.

Gielda- ja guovludepartemeanta doarju riikačiekčamiid čađaheami 30 000 ruvnnuin. – Falaštallan lea deaŧalaš identitehtahuksejeaddji oassi ja spábbačiekčan lea dakkár faláštallan maid ollugat čuvvot maiddái sámi birrasiin, muitala stádačálli Anders J. H. Eira Gielda- ja guovludepartemeanttas. – Sámi spábbačiekčan riikajoavku lea vuohkkasit mielde oainnusin dahkame sámi kultuvrra, ja mun sávan sidjiide lihku gaskavahku, lohká Eira.

Sámi spábbačiekčanlihttu ásahuvvui čakčat 2003. Sámi riikajoavku (Sápmi) lea eahpealmmolaččat čiekčan riikačiekčamiin 1985 rájes, earret eará Ålándda, Estlándda, DDR ja Ruonaeatnama vuostá.