Norgga geavaheaddjit háliidit borrat eanet bohccobierggu
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 19.10.2020
Márkaniskkademiin leat gávnnahan, ahte Norgga geavaheaddjit háliidit borrat eanet bohccobierggu. Erenoamážit geavaheaddjijoavku, geain lea nana borramušberoštupmi, ja geat beroštit elliid buresbirgejumis, geat háliidit borrat eanet bohccobierggu. Dán jovkui lea mihtilmas maid ahte sii sávvet Norggas ja báikkálaččat buvttaduvvon biepmu ja ahte sii háliidit málestit borramuša vuođu rájes.
- Lea positiivvalaš ahte Norgga geavaheaddjit háliidit borrat eanet bohccobierggu. Bohccobiergu lea lunddolaš ja das lea buorre máistu. Go don borat bohccobierggu málisin, de seammás dus leat čanastagat muitalanárbevirrui, boazodoalu nissoniidda ja albmáide ja sámi kultuvrii, dadjá eanandoallo- ja biebmoministtar Olaug Bollestad.
Norggas leat lagabui 540 siidaoasi eaiggáda Norggas. Siiddaide leat registreren 3300 badjealbmá. Giđđaealus, ovdal guotteha, leat sullii 215.000 bohcco. Ealus lea 77 proseantta álddut ja eará njiŋŋelasat, 17 proseantta miesit ja 6 proseantta sarvát. Dábálaš jagi njuvvet sullii 1600 tonna. Davviguovlluin – Gárgáma davábealde, buvttadit 65 proseantta buot bierggus, maid njuvvet.
Dán jagi njuovvanáigi lea álgán ja Norgga geavaheaddjis lea fas varas bohccobiergu olámuttos.
- Lean hirpmástuvvan das man bures bohccobiergosuorgi lea ovdánan. Moadde jagi dassá gávnnaimet bohccobierggu dušše ritnon galbmabovssain gávppis. Dál vuvdet eanaš varas bohccobierggu. Bohccobiergu lea páhkkejuvvon ođđa páhkaide, mat geasuhit. Dat leat bures láhččojuvvon geavaheapmái ja fálaldahkan leat bihtát, mat heivejit iešguđet dárbbuide, dadjá Olaug Bollestad.
Ráđđehus čalmmustahttit sámi giellavahkku. Mihttomearrin sámi giellavahkuin lea loktet sámegielaid stáhtusa ja buoridit máhtu sámegielaid ja sámi kultuvrra birra olles servodagas. Giellavahkku lágiduvvui vuosttaš geardde ON eamiálbmotgiellajagi čalmmustahttima oktavuođas 2019:s.
