Nammada lávdegotti geahčadit veahkaválddálašvuođa buhtadusortnega
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Almmustahtton: 06.02.2015 | Maŋimuš ođasmahttojuvvon: 02.03.2015
Ráđđehus nammada otne almmolaš čielggadanlávdegotti guorahallat veahkaválddálašvuođa buhtadusortnega ja árvvoštallat dárbbu rievdadit buhtadusa sin várás geat leat vásihan duođalaš rihkolašvuođa.
-Ulbmil lea earret eará buoridit sin dili geat leat gillán duođalaš rihkolašvuođa. Dat galgá šaddat álkit sidjiide gávnnahit ahte lea go sis vuoigatvuohta oažžut buhtadusa ja mo sin ohcan galgá meannuduvvot johtileappot, cealká stáhtačálli Vidar Brein-Karlsen (OB).
Veahkaválddálašvuođa buhtadusortnet lea doaibman 1976 rájes, ja dál lea dárbu dan árvvoštallat. Veahkaválddálašvuođa buhtadusláhka 2001 lea rievdaduvvon máŋgga geardde. Láhka lea šaddan hui moalkái ja áddetmeahttun. Dat ii leat buorre eiseválddiide iige gillájeddjiide. Sihke ortnet ja áššemeannudeami organiseren galgá árvvoštallojuvvot sihkkarastin dihte ávkkálaš, njuovžilis ja beaktilis ortnega.
-Ovddádusbellodat lea álo beroštan gillájeddjiin, ja erenoamážit mánáid vuoigatvuođain. Dan geažil leat mii nammadan viiddis lávdegotti gos earret eará Stine Sofies vuođđudusa jođiheaddji, Ada Sofie Austegard lea mielde, dadjá Vidar Brein-Karlsen.
Lávdegotti lahtut:
- Ragnhild Helene Hennum, Oslo universitehta prorektor, jođiheaddji
- Annichen Rye-Holmboe, priváhtadoaibmi advokáhtta Romssas
- Eirik Lereim, diggegoddeduopmár Fosen diggegoddi
- Ada Sofie Austegard, Stine Sofies vuođđudusa jođiheaddji
- Torkjel Nesheim, diggegoddeduopmár/Oslo diggegotti ossodatjođiheaddji
Lávdegoddi galgá ovddidit iežaset čielggadeami ovdal cuoŋománu 1.b.2016