Eanandoallu ja giliealáhusat miehtá riikka

Ráđđehus háliida eanandoalu miehtá riikka, ja áigu addit eanandoallopolitihka gaskaomiide čielgaset guovlluprofiila. Ráđđehus áigu nannet báikkálaš ja guovlulaš doaibmanmuni ja ásahit Guovlulaš giliovdánahttinprográmmaid.

• St.dieđ. 9 (2011–2012) Eanandoallo- ja biebmopolitihkka 
• Preassakonferánsa Neahtta-TV:s Stuoradikki dieđáhusa eanandoallo- ja biebmopolitihka birra
• Geahča maiddái video Eanandoallo- ja biebmoministtariin Lars Peder Brekk kommentáraiguin

Norgga eanandoallu hálddaša 60-70 proseantta riikka areálain. Eanandoallu lea dehálaš ássamii ja barggolašvuhtii eanas osiin riikkas, ja buktá  árvoháhkama biebmo-, muorra- ja oktasašburiid buvttademiin.

- Lea stuora vejolašvuohta ealáhusovdáneapmái go ollislaččat geavahišgoahtá resurssaid giliin ja dáluin, olmmošlaš resurssaid, luondduresurssaid ja kapitála. Ráđđehus bidjá danin vuođđun viiddis eanandoallodoahpaga, mii siskkilda eanandoalu, biebmobuvttadeami, vuovdedoalu, boazodoalu ja giliealáhusaid, dadjá eanandoallo- ja biebmoministtar Lars Peder Brekk.

Giliealáhusat
Earenoamáš biepmuin, luondduvuđot mátkeealáhusas, bivddu ja guolásteami láigoheamis, čáhce- ja bieggafápmobuvttadeamis ja oahppo-, bajásšaddan-, dearvvašvuođa- ja fuollasuorggi bálvalusain gávdnojit ollu iešguđetlágan buktagat ja bálvalusat.  Dieđáhus váldá atnui giliealáhusaid oktasašnamahussan ealáhusdoaimmaide ja ealáhusaid ovdánahttimii mat geavahit eanandoalu resurssaid vuođđun.

Ráđđehus áigu dahkat politihka eambbo deaivilin go:

• Buvttadusdoarjagiin nanne guovlluprofiilla nu ahte daid buorebut geavaha guovlluide gos eanandoalus lea vuorjašuhtti dilli dan mihttomeari ektui ahte miehtá riikka galgá leat aktiivvalaš eanandoallu. Dát guoská earenoamážit Vestlándda osiide, Agder/Telemárkui, meahcceguovlluide ja Davvi-Norgii.
• Láhčit dili dasa ahte fylkkat eambbo hálddašit ealáhusovdánahttinruđaid.
• Ásahit guovlulaš giliovdánahttinprográmmaid masa gullet gaskaoamit ealáhusovdáneami, birasdoaimmaid ja vuovdedoaimmaid váste.
• Láhčit dili báikkálaš GO-ruđaid hálddašeapmái guovlluin gos leat earenoamáš hástalusat, ovdamearkka dihte meahcceguovlluin ja davviguovlluin.
• Earenoamážit dusten dihte eanandoallodárbbašeaddji suohkaniid hástalusaid ja vejolašvuođaid, de áigu Eanandoallo- ja biebmodepartemeanta nannet barggu dakkár suohkaniin.
• Oassin ráđđehusa ovdánahttinbarggus meahcceguovlluid ja davviguovlluid, de áigu Eanandoallo -ja biebmodepartemeanta nannet meahcce-eanandoalu ja árktalaš eanandoalu barggu.
• Árvvoštallat guovlojuohkima eanandoallopolitihkalaš gaskaomiin.