Distrivttain stuora beroštupmi searvat orrunsadjeprošektii

- Olles 82 suohkana leat ohcan beassat searvat prošektii “distrivttain orrunsadjeásaheapmi”. Dát čájeha ahte vuoruheapmi lea sihke bivnnut ja dehálaš, dadjá stáhtaráđđi Liv Signe Navarsete.

2012:s lea várrejuvvon 20 miljovnna ruvdno vuoruheapmái. 10-12 suohkana besset searvat. Cuoŋománus almmuhuvvo makkár suohkanat besset searvat vuoruheapmái.

- Mihttomearri lea guovlluin lasihit orrunsadjefálaldagaid. Muhtun báikkiin leat orrunsadjemárkanat unnit ja eahpesihkkarat. Eará báikkiin váilot orrunsajit. Suohkaniin sáhttet leat bargosajit, muhto orrunsajit eai leat sirddolaččaide. Doarjja orrunsadjeásahemiide dahká álkibun rekrutteret gelbbolašvuođa dakkár suohkaniidda, dadjá Navarsete.

Suohkanat sáhttet doarjaga geavahit dasa ahte ásahit orrunsajiid láigoheami várás. Sii sáhttet maiddái addit doarjaga olbmuide geat háliidit hukset iežaset viesu.

Ortnet maiddái addá suohkaniidda eanet gelbbolašvuođa das ahte láhčit dili orrunsadjeovdáneapmái.

• Dát leat ohcan beassat searvat (pdf)
• Eambbo eavttuid ja ohcanproseassa birra (Viessobáŋkku neahttabáiki)/ Meir om kriteria og søkjeprosess (Husbanken sin nettstad)
  

Gielda- ja guovlodepartemeantta preassatelefuvdna 22 24 25 00.