Aktiver Javascript i din nettleser for en bedre opplevelse på regjeringen.no

Historjjálaš arkiiva

Ruoná ovdáneapmi luossabiebmanealáhusas

Historjjálaš arkiiva

Almmustahttináigodat Regjeringen Stoltenberg II

Almmustahtti: Guolástus- riddodepartemeanta

Ráđđehus evttoha juolludit 45 ođđa ruoná luossakonsešuvnna 2013:s. – Mun háliidan arvvosmahttit teknihkalaš čovdosiid ovdáneami mat galget leat jođihanfápmun positiiva rievdadusaide ealáhusas. Dat addá ovdánan vejolašvuođaid olles norgga rittus, muhto eanemusat Finnmárkkus ja Romssas, lohká guolástus- ja riddoministtar Lisbeth Berg – Hansen.

Ráđđehus evttoha juolludit 45 ođđa ruoná luossakonsešuvnna 2013:s. – Mun háliidan arvvosmahttit teknihkalaš čovdosiid ovdáneami mat galget leat jođihanfápmun positiiva rievdadusaide ealáhusas. Dat addá ovdánan vejolašvuođaid olles norgga rittus, muhto eanemusat Finnmárkkus ja Romssas, lohká guolástus- ja riddoministtar Lisbeth Berg – Hansen.

Dál ásahuvvo ruoná konsešuvdnaortnet mii sáhttá dagahit positiiva ovdáneami olles ealáhussii. 35:a dan 45:a ođđa ruoná konsešuvnnas gáibiduvvo lonisteapmi doaibmi konsešuvnnas. Dás oaivvilduvvo ahte juolluduvvojit guokte ođđa ruoná konsešuvnna jus sisabuktá doaibmi konsešuvnna.

- Ruoná konsešuvdna ortnet sáhttá dagahit eambbo birasustitlaš ovdáneami mearradoalloealáhussii, ja dainna lean mun ilus, lohká birasgahtten ministtar Bård Vegard Solhjell.

Romsii ja Finnmárkui galget juolluduvvot  20 dan 35 konsešuvnnas main árvu lea 10 milj. ruvnno juohke lobis. 5 dan 20 konsešuvnnas Romssas ja Finnmárkkus galget várrejuvvot unnit aktevrraide. Dat eará 15:ái dan 35 konsešuvnnas sáhttet juolluduvvot miehta riikka giddejuvvon fálaldatvuoru vuođul. Biddjojit eavttut luossadihkiide ja báhtareapmái. Fágajoavku, man Guolástus- ja riddodepartemeanta lea vuođđudan, árvvoštallá ohcamiid.  Šaddá govttolaš gaskadileáigi dálá konsešuvnnaide mat lonistuvvojit.

Maŋemus 10 ruoná konsešuvnna juolluduvvojit lonisteami haga, juohke lobis lea árvu 10 milj. ruvnno. Dáidda eaktuduvvo ahte ovdanbiddjojit čovdosat mat leat olu buorebut go dat mat dál geavahuvvojit gávpedoaimmaid oktavuođas. Seamma fágajoavku árvvoštallá ohcamiid, ja vuoruha daid main oktiibuot lea stuorámus birasbuoridanvejolašvuohta.

Juohke lobis juolluduvvo 4 miljovdna ruvnno guoskevaš fylkkagildii.

Mildosat:

Fágalaš árvvoštallamiid diŋgon

Fágalaš árvvoštallamat:

Luondduhálddašandirektoráhtta

Guolástusdirektoráhtta

Áhpedutkaninstituhtta oktan mildosiiguin

Dálkkádat- ja nuoskkidandirektoráhtta

Biebmobearráigeahčču

Birasgáhttendepartemeanta

NINA

Šibitdoavttirinstituhtta

Bajás