Háliidat oadjebas astoáiggi fanasjohtolaga

Bargojoavku, maid mearrajohtolatdirektevra Olav Akselsen lea jođihan, lea guorahallan sihkkarvuođa astoáiggi fatnasiin. Johtolaga gozihanpolitiija meara alde, čavgadeabbo njuolggadusat ja miellaguottuid hábmendoaimmaid vuoruheapmi leat muhtun doaibmabijut mat árvaluvvojit unnidit lihkohisvuođaid astoáiggi fanasjohtolagas.

-Ráđđehusa mielas lea dehálaš ahte olbmot besset johtalit oadjebasat meara alde, ja mun áiggun vuđolaččat guorahallat raportta ávžžuhusaid. Mu mielas guoská dát eanaš sihkkarvuhtii ja čálgui meara alde, muhto duohtavuođas maiddái mo gádjut heakka, lohká guolástus- ja riddoministtar Lisbeth Berg-Hansen.

Bargojoavku lea maid guorahallan dárbbu leaktorájiide meara alde, dárkileabbu iskat astoáiggi fanas lihkohisvuođat ja sihkkarvuođa bijuid turistaguolásteddjiid várás.

Loga eanet áššis ja viečča raportta mearrajohtolatdirektoráhta neahttabáikkis.