David Cameron Norggas

Stáhtaministtar Jens Stoltenberg válddii vuostá Stuora-Británnia stáhtaministara David Cameron ságastallamiidda ráđđehusa ovddastusbáikkis.

- Lea stuora illu váldit vuostá David Cameron dáppe Oslos. Stuora-Británnia lea okta min buriin ránnáin, ja leat  nanu čanastagat min guovtti riikka gaskkas, dajai stáhtaministtar Jens Stoltenberg.

Ságastallamiin fáddán lei guovttebealat dilálašvuohta gaskal Norgga ja Stuora-Britannia, energiijaovttasbargu ja Eurohpá ekonomalaš dilálašvuohta.

Duorastat iđida deaivvaiga Cameron ja Stoltenberg norgga ja brihttalaš energiijaovddasteddjiid Akera lanjain Aker brygges Oslos.

Duorastat ovdalgaskabeaivvi mátkkošteigga guokte ráđđehushoavdda fárrolaga Berlinii, gos earret eará galgaba divaštallat demokratiija, teknologiija ja ássiiguin gulahallama lihttokánsleriin Angela Merkelin.