Stáhtaministtar almmuha ođđa gearggusvuođadoaimmaid
Historjjálaš arkiiva
Almmustahttináigodat Regjeringen Stoltenberg II
Almmustahtti: Stáhtaministara kantuvra
Preassadieđáhus | Nr: 100/12 | Almmustahtton: 29.08.2012
Stáhtaministtar Jens Stoltenberg ja justiisa- ja gearggusvuođaministtar Grete Faremo čilgeba odne Stuorradikkis maid ráđđehus áigu bargat viidáseappot suoidnemánu 22. beaivvi kommišuvnna raportta vuođul.
Stáhtaministtar Jens Stoltenberg ja justiisa- ja gearggusvuođaministtar Grete Faremo čilgeba odne Stuorradikkis maid ráđđehus áigu bargat viidáseappot suoidnemánu 22. beaivvi kommišuvnna raportta vuođul.
– In lean ráhkkanan dasa man čieŋal ja duođalaš kommišuvnna kritihkka lei. Lea lossat dohkkehit nu vuđolaš váilivuođaid, go daid bohtosat šadde nu duođalaččat. Dađe sihkkarut mun lean dan hárrái, ahte mii njulget boasttuvuođaid, stáhtaministtar dajai čilgehusastis.
Stoltenberg almmuhii, ahte buot hálddahusdásiin šaddet eanet ja viidásut hárjehallamat, Osloi álggahuvvo politiija ođđa gearggusvuođaguovddáš, ja ođđajagemánu rájes galget Rygge militeara helikopterat sáhttit veahkehit politiija ja girdiimiin searvat duođalaš bargguide.
– Mii ovddidit vel eanet álgagiid, doaimmaid ja rievdadusaid lagamus áiggis. Mii guorahallat dárkilit buot kommišuvnna 31 ávžžuhusa ja ovdanbuktit daid Stuorradiggái, Stoltenberg dadjala.