Bagadus stáhta buoret organiseremii

Stáhta berre organiserejuvvot buoret. Ođasmahttidepartemeanta (FAD) lea danin ráhkadan bagadusa, mii dáid beivviid biddjojuvvo gulaskuddamii. Árvalus lea čuovvoleapmin stuoradiggedieđáhussii “demokratiija ja searvevuođa váste hálddašeapmi”.

- Mun háliidus dás lea oažžut buori ja eambbo máhttovuđot organiserema stáhtalaš doaimmain, dadjá stáhtaráđđi Rigmor Aasrud.

Bagadus sáhttá leat veahkkeneavvu mainna vihkkedallamiid dahká go organisatuvrralaš válljemiid galgá dahkat ja gihpa mas geahčada go leat gažaldagat. Mihttomearri lea ahte dat galgá váikkuhit dasa ahte buorideame dan mii mearrádusaide lea vuođđun.

- Galgá leat álki leat stáhtain oktavuođas go seammalágan funkšuvnnat eanasmuddui leat seamma ládje organiserejuvvon ja ahte seammalágan funkšuvnnain lea seammalágan namahus, cuige stáhtaráđđi.
Bagadus deattuha ahte dát ovcci prinsihpa, mat čužžot stuoradiggedieđáhusas, galget leat vuođđun stáhtalaš doaimmaid organiseremii ja ođđasisorganiseremii:

• Ulbmiliid, bargguid, ulbmiljoavkkuid ja doaimmaid birasdovdomearkkaid konkrehta árvvoštallama vuođul galgá válljet organisašuvdnamálliid. Galgá maiddái váldit vuhtii makkár ekonomalaš ja hálddahuslaš rámmaeavttut sihkkarastet doibmii buoremus vejolaš mihttoolaheami.
   
• Ovttaskasáššiin galget mearrádusat dahkkojuvvot ovttalágan meannudeami vuođul, ja galgá sihkkarastit ássiide ja ealáhusaide riektesihkarvuođa. Dat sáhttá mearkkašit dan ahte ovttaskasmearrádusat dahkkojuvvojit lága mielde mearriduvvon doaibmafriddjavuođa vuođul. Dát lea earenoamáš dehálaš dalle go stáhta ieš lea áššeoasálaš, ovdamearkka dihte ealáhusoassálasti.
   
• Áittar - lágan funkšuvnnaid berre organiseret lága mielde mearriduvvon fágalaš vuođu ala.  GO áittarbarggut organiserejuvvojit oktii bargguiguin mat gullet dasa ahte bidjat johtui stáhtalaš politihka, de doaimma berre organiseret nu ahte lea oassin stáhtas.
   
• Stáhtalaš bargguid máhttoovdáneami oktavuođas, nugo ovdamearkka dihte universitehtaid ja allaskuvllaid, berre vuosttažettiin organiseret nu ahte dat leat oassin stáhtas, muhto nu ahte doaimmain, lága mielde mearriduvvon, lea stuora fágalaš friddjavuohta.
   
• Hálddašanorgánain eai galgga leat stivrrat dahje ráđiid eambbo go jus leat earenoamáš sivat dasa (ovdamearkka dihte ahte doaimmas lea lága mielde stuora fágalaš friddjavuohta.)
   
• Stáhtalaš doaimmaide guovlulaš juogu válljen galgá váldit vuhtii mot eará almmolaš doaimmaid guovlulaš lađas, maiguin sii galget ovttasbargat, lea juohkásan. Stáhtalaš guovlulaš juohku ii berre leat fylkkarájiid rastá.
   
• Válddi čađaheapmi ja servodatstivren leat barggut maid vuosttažettiin berre organiseret nu ahte leat oassin stáhtas.
   
• Stáhtalaš doaimmaid mat doibmet  gilvomárkanis earáiguin, berre organiseret fitnodahkan, Stáhtalaš doaimmaid mat doibmet márkanis ja mat maiddái galget ovddidit dehálaš suorgepolitihkalaš beroštumiid, berre organiseret stáhtadoaibman.
   
• Stáhta galgá garvit geavaheames vuođđudusaid ja organiserema sierraláhkafitnodatmálliide, eambbo go jus leat earenoamáš sivat dasa.