1 558,4 miljon ruvdno speallaruhta falástallanulbmiliidda 2010´s

Ráđđehus lea mearridan juohkit 1 558,4 miljovnna ruvnno speallanruđa falástallanulbmiliidda jahkái 2010. Dasa lassin Kulturdepartemeanta juohká 21,8 miljovnna ruvnno gávdni reantoruđain falástallanulbmiliidda, nu ahte oppalaš juolludeapmi falástallanulbmiliidda 2010 šaddá leat 1 580,2 miljovnna ruvnno. Oppalaš supmis badjel bealli, váile 800 miljovdna falástallanrusttegiidda.

Vuoruha falástallanrusttegiid

- Falástallanrusttegat leat dehálačča vai falástallansearvvit sáhttet čađahit doaimmaideaset ja fállat mánáide ja nuoraide dehálaš deaivvadansajádagaid lagasbirrasis. Ahte falástallanrusttegat gávdnojit lea maiddái dehálaš  vai movttiidahttá juohkehačča rumašlaš lihkadeapmái. Rusttegat leat danin hui dehálačča vai olaha stáhta falástallanpolitihka višuvnna ”falástallan ja rumašlaš aktivitehta buohkaide”, dadjá stáhtaráđđi Anniken Huitfeldt.

Falástallanrusttegat suohkaniin

Lea juhkkojuvvon 676,6 miljovnna ruvdno ođđa visttiide ja divodeames ja ođasteames rusttegiid suohkaniin. Fylkkaid mielde juogadeapmi lea gárvvis dán jagi miessemánu 7.beaivvi.

Rusttetpolitihkalaš prográmma

Rusttetpolitihkalaš prográmma bakte juhkkojuvvo 65 miljovdna ruvdno jagi 2010 rusttegiidda olmmošvaljis guovlluin, gollogáibideaddji rusttegiidda ja reaidduide, dadjá stáhtaráđđi Huitfeldt. Norgga falástallanlihttu ja olympia ja paralympia komitéa (NIF) bovdejuvvo buktet mearkkašumiid prográmmii.

Našunálarusttegat

Čuovvoleames ovddit doarjjalohpádusaid našunálarusttegiidda, juhkkojuvvo 20 miljovnna ruvdno davviriikkalaš falástallansurggiide ja 5 miljon ruvdno čuoiganbáhčimii Holmenkollenis. Vikersund guhkesnjuikehahkii juhkkojuvvo 11,5 miljovnna ruvdno.

Lassin juhkkojuvvo 3,7 miljon ruvdno Ullevål čiekčanšillju ođasteapmái.

Norgga Falástallanlihttu ja olympia ja paralympia komitéa

Norgga Falástallanlihttu ja olympia ja paralympia komitéa (NIF) oažžu 556 miljovnna ruvnno jagi 2010´s. Doarjja lea lassánan 14 miljovnna ruvnnuin 2009 ektui.

-Lea dehálaš nannet dan doaimma mii dáhpáhuvvá eaktodáhtolaš miellahttovuođustuvvon falástallamis, deattuha stáhtaráđđi Huitfeldt. NIF lea Norgga stuorimis mánáid- ja nuoraidorganisašuvdna. 

Doarjjalassáneapmi NIF´ai geavahuvvo aktivitehta doaimmaide mánáide ja nuoraide, ja láhččojuvvo eanet deattuhit falástallandoaimmaid doaimmashehttejuvvon olbmuide.  Doarjja NIF´ai dáhkida maiddái ahte alla vuođđodoarjja falástallama suorgeserviide bisuhuvvo ja nannosit deattuha váldofalástallanbarggu Norggas.   

Báikkálaš joavkkut ja searvvit

Báikkálaš joavkkut ja searvvit ožžot 2010´s 156 miljovnna ruvnno speallanruhtan.

- Lassin 156 miljovnna ruvdnosaš doarjagii báikkálaš joavkkuide ja servviide de báikkálaš falástallansearvvit dán jagi ožžot mealgadis supmi álbmotoasseruđain. Diibmá juhkkojuvvui 148 miljon ruvdno álbmotoasseruđain falástallanulbmiliidda, ja dát supmi vuordimis sakka lassaása dán jagi maŋŋil go ortnet lea eanet beaggán, dadjá Huitfeldt.

Doarjja báikkálaš falástallanservviide ja servviide, ovttas álbmotoasseruđaiguin, dagahit buoret vuođu ain buorebut láhččet báikkálaš falástallandoaimmaid mánáide ja nuoraide.

Olggustallan

Ráđđehus háliida ain fuomášuhttit man dehálaš olggustallan lea, earenoamážit mánáide ja nuoraide. Doarjja olggustallan doaimmaide mánáide ja nuoraide lassána ovttain miljovnna ruvnnuin 2009 ektui, oktiibuot 11 miljovnna ruvdnui 2010´s.

Juohkimis speallanruđaid falástallanulbmiliidda 2005-2010 áigodagas

2005: 1 200 milj ruvnno
2006: 1 200 milj ruvnno
2007: 1 250 milj ruvnno
2008: 1 250 milj ruvnno + 168 milj ruvnno (gaskaboddosaš juolludeapmi) = 1 418 milj ruvnno
2009: 1 250,4 milj ruvnno + 308 milj ruvnno (gaskaboddosaš juolludeapmi) = 1 558,4 milj ruvnno
2010: 1 558,4 milj ruvnno

Mildosat:

Oppalaš dieđut váldošiehtadallamiid birra 2010´s

Speallanruđaid juogadeapmi fylkkaid mielde jagi 2010´s