Reviderejuvvon nationálabušeahtta:
Musihkkačuojanasaid oastinortnet nannejuvvo
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 52/13 | Almmustahtton: 07.05.2013 | Maŋimuš ođasmahttojuvvon: 22.05.2013
Ráđđehus árvala Reviderejuvvon nationálabušeahta bokte nannet musihkkačuojanasaid oastinortnega 750 000 kruvnnuin. Ruđat galget várrejuvvot oastit čuojanasaid skuvlakorpsaide.
Doarjjaortnega bokte ožžot skuvlakorpsat miehtá riikka ruhtadoarjaga. Ortnet ásahuvvui Lassiproposišuvnna bokte ráđđehusa molsuma olis čakčat 2005. Jagi 2012 rájes lea ortnet viiddiduvvon gustot maiddái mánáid- ja nuoraidmusihkkajoavkkuid čuojanasaid oastimiidda.
Oktan jagi 2013 juolludemiin de lea korpsaide juolluduvvon 66,6 miljovnna kruvnnu ja 1,5 miljovnna kruvnnu fas orkeastariidda. Norgga kulturráđđi bearráigeahččá ortnega kap. 320 poastta 74 ja Norsk Musikkorps Forbund (NMF) ja De Unges Orkesterforbund (UNOF) hálddašeaba ortnega.
Korpsat Norggas geavahit jahkásaččat oktiibuot sullii 85 miljovnna kruvnnu oastit čuojanasaid. Čuojanasfoandda golut dahket sullii 12 proseantta.