Boazodoallu ja eamiálbmotvuoigatvuođat

Boazodoallopolitihkka lea hábmejuvvon guovtti iešheanalaš vuođu ala: ealáhuspolitihkka ja eamiálbmotvuoigatvuođat.

Boazodoallu lea erenoamáš eamiálbmotealáhus sihke nationálalaččat ja riikkaidgaskasaččat.
Boazodoallu lea erenoamáš eamiálbmotealáhus sihke nationálalaččat ja riikkaidgaskasaččat. Govva: T. Gustavsen/Markesdutvalget for reinkjøtt

Norgga vuođđolága ja riikkaidgaskasaš álbmotrievtti mielde leat eiseválddit geatnegahttojuvvon sihkkarastit iežas eamiálbmoga vuoigatvuođaid.

Sámi álbmogis lea historjjálaš vuoigatvuohta doaimmahit boazodoalu Norggas.

Boazodoallu lea álo dohkkehuvvon áibbas erenoamáš sámi ealáhussan, mii lea dehálaš vuođđun sámi kultuvrii, servodateallimii ja gillii.

Lágidit dili ekonomalaš, ekologalaš ja kultuvrralaš ceavzilis boazodollui, lea mearrideaddjin norgga eiseválddiide, jos sii galget ollašuhttit geatnegasvuođaidis sámi álbmoga ektui.