Árvobuvttadeapmi boazodoalus

Boazu borra luonddušattuid, ja dan geažil lea bohccobierggus erenoamáš máhku ja dat lea erenoamáš riggodat borramušhivvodahkii Norggas.

Bohccobiergu lea duoddara máhku  – bohccot guhtot váriin, čuvvot jahkodatvariašuvnnaid ja duovdagiid.
Bohccobiergu lea duoddara máhku – bohccot guhtot váriin, čuvvot jahkodatvariašuvnnaid ja duovdagiid. Govva: Matprat/Synøve Dreyer

Norggas leat sullii 250.000 bohcco Norggas. Lohku sáhttá rievddadit jagis nubbái. Gaskamearálaš njuovvanlohku riikkadásis lea 33 proseantta giđđaealus – dahje sullii 85.000 bohcco jahkásaččat.

Go gaskamearálaš deaddu lea birrasiid 22,5 kilo, de dahká dát  1900 tonna njuovvanhivvodaga. Dán hivvodagas njuvvet boazoeaiggádat jahkásaččat 300 tonna priváhta geavaheapmái, ja muđui biergu vuvdojuvvo gávpemárkanii – lagabui 20 registrerejuvvon njuovahaga bokte Norggas.

Dábálaš jagis vuvdojuvvo sullii 1100 tonna bohccobiergu gávpemárkanii iešguđetge muohkaduvvon buvttan. 

Bivnnut buvtta

Maŋimuš jagiid lea buktagiid kvalitehta ja duogáš šaddan geavaheddjiide hui dehálaš. Dakkár márkanis gos ohcaluvvo máŋggalágan borramuš ja borramušvásáhusat, lea bohccobiergu lunddolaččat sajáiduvvan. Nuorat geavahit eanemusat bohccobierggu.

Bohccobiergu lea duoddara máhku  – bohccot guhtot váriin, čuvvot jahkodatvariašuvnnaid ja duovdagiid. Midjiide geat liikot luonddubuktagiidda lea luondu ja luondduvásáhusat dehálaččat. Dan lassin lea bohccobiergu dearvvašlaš.

Vejolašvuođat lasihit árvobuvttadeami

Boazodoalus lea erenoamáš vejolašvuođat ja ollu ovdamunit. Beroštupmi bohccobirgui lea buorre ja ollugat jearahit dan. Dat lea maid positiivvalaččat váikkuhan bohccobiergohaddái.  

Boazodoalus leat vejolašvuođat lasihit árvobuvttadeami eanet go dál. Bohccobierggus ja bohcco oalgebuktagiin leat ollu árvobuvttadanvejolašvuođat, ja mátkeealáhusa bokte ja boazosámiid kultuvrra ja eallinvuogis.

Boazodoallu lea maid erenoamáš arena oahpahussii ja fuolahussii, gos máŋga buolvva boazosámit ovddidit ealáhusa ja kultuvrra ovttas. Das lea sáhka ovddidit birgejeaddji doaimmaid, huksejuvvon vuđolaš máhtolašvuođa ja vásáhusaid ala, ja mat buvttadit kvalitehtagálvvuid maid gávpemárkan dárbbaša.