Ođasmahtti energiijabuvttadeapmi Norggas
Artihkal | Maŋimuš ođasmahttojuvvon: 06.12.2014 | Energiijadepartemeanta
Norga lea 1800-logu loahpageahčen geavahišgoahtán ođasmahtti energiija nugo čáhcefámu ja goržžiid. Dát energiija dagai vejolažžan hukset norgga industriijamáidnasa ja ođđaáigásaš Norgga.
Dan rájes lea norgga čáhcefápmu šaddan dađistaga deháleappot. Elfámu geavaheapmi ja dárbbut leat lassánan dađi mielde go Norga lea ođasmahttojuvvon ja ekonomiija lea buorránan. Dattetge lea čáhcefápmu mii buvttada eanaš elfámu.
Elfámubuvttadeamis Norggas lea 98% ođasmahtti ja birasseasti, ja dan geažil lea mis erenoamáš dilli eurohpalaš ja máilmmi perspektiivvas. Elfápmobuvttadeapmi boahtá eanaš čáhcefápmorusttegiin, muhto maiddái bieggafápmorusttegiin ja lieggafápmorusttegiin. 2013 buvttadeimmet 134 TWh elfámu. Okta TWh (terrawattdiibmu) lea okta miljárdda kWh, ja gaskamearalaš dállodoallu geavaha 25 000 kWh ovtta jagis. Buohtastahttin dihtii geavaha Oslo badjelaš 9 TWh jagis.
Elfápmobuvttadeapmi 2013 leai veaháš vuollelis go dat mii lea dábálaš. Dan geažil go Norggas lea nu ollu čáhcefápmu de njuoskkádat váikkuha ollu buvttadeapmái, ja dieđusge magasiinnaide ja čázádagaid čáhcerádjái.