2021 stáhtabušeahtta:

11,5 miljovnna lasi gielaide 2021

2020 giđa ráđđehus evttohii ollislaččabu giellalága, ja čuovvula dál áŋgiruššamiin, mas juolludit 11,5 miljovnna lasi gielaide.

– Giella lea min mávssoleamos kulturguoddi. Gielain mii digaštallat ja ákkastallat, muhto maiddái čoahkkanit ja hukset árvvuid ja oktiigullevašvuođa geahčakeahttá dasa geat mii leat, gos mii leat eret ja gos riikkas mii orrut, dadjá kultur- ja dásseárvoministtar Abid Q. Raja.

Ráđđehusa giellapolitihka ulbmilin lea sihkkarastit dárogiela Norgga oktasaš giellan ja servodaga guoddi giellan. Ulbmilin lea maid gáhttet ja ovddidit sámegielaid, Norgga seavagiela ja nationála unnitlogugielaid kvenagiela, romani ja romanes.

2021 giellaáŋgiruššamiin nannejit dárogiela giellaráđi, barggu dárogiela terminologiijain ja nannejit doaimmaid, maiguin ovddidit ođđadárogiela, Norgga seavagiela ja kvenagiela. Ráđđehus árvala juohkit 11,5 miljovnna kruvnno dán láhkai:

  • Giellaráđđi, 3 miljovnna kruvnno
  • Ođđadárogiela preassakantuvra – «Ođđadárogielrobohtta», 2 miljovnna kruvnno
  • Kainun institutti – Kvensk instuttt, 500 000 kruvnno
  • Norges Døveforbund, 500 000 kruvnno
  • Det Norske Samlaget, 200 000. kruvnno
  • Nynorsk avissenter, 200 000 kruvnno
  • Noregs Mållag, 200 000 kruvnno
  • Teater Vestland – Nynorskhuset Førdes, 600 000 kruvnno. Lasáhus lea 1. milj. Kruvnno lassin, maid ráđđehus bijai 2020 prošektii, ja mii joatkašuvvá 2021.
  • Standard Norge – terminologiijabargu, 2 miljovnna kruvnno
  • Bergena universiteahta – tearbmaportála, 2 miljovnna kruvnno. Ruđat sirdojuvvojit rámmajuolludeapmin Máhttodepartemeantta bušehttii. Máhttodepartemeanta juolluda maid 2 miljovnna kruvnno doibmii.

2020 giellaáŋgiruššama 9,3 miljovnna kruvnno jotkojuvvo maid 2021 bušeahtas.