Norgga-Ruoŧa boazoguohtunkonvenšuvdna
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 21.03.2014 | Maŋimuš ođasmahttojuvvon: 26.03.2014
Bargojoavku geigii njukčamánu 21.b.2014 Norgga-Ruoŧa boazoguohtunkonvenšuvdna-árvalusa eanadoalloministarii Eskil Erlandsson:ii ja eanandoallo- ja biebmoministarii Sylvi Listhaug:ii.
Bargojoavku geigii njukčamánu 21.b.2014 Norgga-Ruoŧa boazoguohtunkonvenšuvdna-árvalusa eanadoalloministarii Eskil Erlandsson:ii ja eanandoallo- ja biebmoministarii Sylvi Listhaug:ii.
– Bargojoavku lea ovddidan ávkkálaš árvalusaid, cealká eanandoallo- ja biebmoministtar Sylvi Listhaug. – Mu ruoŧa bargoustit ja mun ledne soahpan ahte ášši ferte bajimužžii vuoruhuvvot. Ulbmil lea dohkkehit šiehtadusa ja fápmuibidjat dan nu johtilit go vejolaš. Moai letne juo šiehttan deaivvadit boahtte čoahkkimis mii galgá lágiduvvot geassemánus, dadjá Listhaug.
– Viidáset barggus biddjo jagi 2009 šiehtadallojuvvon árvalus vuođđun, ja mii áigut váldit mielde osiid bargojoavkku raporttas maid otne leat ožžon, dadjá eanandoallo- ja biebmoministtar Sylvi Listhaug.
– Riektegažaldagat čielggaduvvojit duopmostuoluin. Danne ii leat áigeguovdil meannudit buhtadus- dahje ekspropriašuvdnaáššiid, cealká eanandoallo- ja biebmoministtar Sylvi Listhaug.
Váttis ášši
Rádjerasttideaddji boazodoalu hálddašeapmi gaskal Norgga ja Ruoŧa lea leamaš váttis áššečuolbma máŋga jagi. Jagi 2009 ovddiduvvui juo konvenšuvdna-árvalus, muhto dat ii leat vel dohkkehuvvon.
Guokte jagi dás ovdal ožžo sámedikkit ja boazodoalloealáhus bargun viidáset bargat vai šaddá soabadeapmi ođđa norgga-ruoŧa boazoguohtunkonvenšuvnna guovdu. Jos ášši dál ii soabaduvvo, de áigot ruoŧa ja norgga eiseválddit loahpahit proseassa ja dohkkehit jagi 2009 boazoguohtunkonvenšuvnda-árvalusa.