AgustaWestland lea ožžon fálaldaga skáhput ođđa gádjunhelikopteriid

AgustaWestland lea otne ožžon fálaldaga skáhput 16 ođđa gádjunhelikoptera Norgii. Dat mielddisbuktá ahte almmolaš gádjunbálvalus nannejuvvo ja buoriduvvo, ja sihkkarastá buori gearggusvuođa miehtá riikka.

 


AgustaWestland AW 101 – Norgga ođđa gádjunhelikopter (Govven: AgustaWestland) 

AgustaWestland lea otne ožžon fálaldaga skáhput 16 ođđa gádjunhelikoptera Norgii. Dat mielddisbuktá ahte almmolaš gádjunbálvalus nannejuvvo ja buoriduvvo, ja sihkkarastá buori gearggusvuođa miehtá riikka.

– Lean hui duhtavaš go farga beassat dahkat gávpesoahpamuša AgustaWestlandain. Dat attášii buoret dorvvolašvuođa buohkaide geat johtalit meara alde, riddoguovlluin ja dakkár guovlluin gosa lea váttis beassat, cealká justiisa- ja gearggusvuođaministtar Anders Anundsen.

Ođđa helikopterat sáhttet čađahit eanet gádjundoaimmaid, leat mearkkašahtti jođánat, ja sáhttet girdit guhkit gaskkaid go dálá helikopterat. Ohcanvejolašvuođat ja medisiinnalaš dikšu maid šaddet sakka buoret.

AgustaWestland AW 101 deavdá ollislaččat buot gáibádusaid mat gusket Norgga boahtteáiggi gádjunhelikopteriidda. Ráđđehus attii skábmamánu 7.b.2013 fápmudusa Justiisa- ja gearggusvuođadepartementii loahpahit barggu ja ollašuhttit skáhpponsoahpamuša ođđa gádjunhelikopteriid hárrái.

Skáhpponproseassa álggahuvvui golggotmánu 21.b.2011 ja ovddalgihtii árvvoštallan lágideddjiid gelbbolašvuođas almmuhuvvui. Fálaldatdokumeanttat álmmuhuvvojedje suoidnemánu 12.b.2012 ja oaččuimet njeallje fálaldaga juovlamánu 18.b. seammá jagi. Áigumuš lea vuolláičállit skáhpponsoahpamuša AgustaWestlandain maŋŋil váidalanáigemeari mii lea 14 beaivvi.

NAWSARH – Norwegian All Weather Search and Rescue Helicopters