Áigu barggahit dorvoohccit

– Bargu lea čoavdda bures lihkostuvvan integreremii. Mun háliidan ahte dorvoohccit eambbo galget árjjaid atnit vuostáiváldinbáikkis jus sii háliidit dan dahkat. Danin mii rahpat dasa ahte dorvoohccit integrerenvuostáiváldimiin galget aktiivvalaččat searvat vuostáiváldima bargguide ja bargohárjáneami vejolašvuođaid oažžut bargohárjehallansajiid bokte. Mii áigut sin oažžut doaimmaide, dadjá sisafárren- ja integrerenministtar Sylvi Listhaug (OvB).

Stáhtaráđđi aiddostahttá seammás ahte ferte bidjat gáibádusaid, nu ahte ii leat geasuheaddji olbmuide suddjendárbbu haga boahtit Norgii bargat.

Justiisa- ja gearggusvuođadepartemeanta sádde evttohusa gulaskuddamii mii boahtá dagahit ahte eanet dorvoohccit sáhttet oažžut gaskaboddosaš bargolobi.

Loga gulaskuddanreivve dáppe

Olgoriikkalaččaidláhkaásahusa rievdadanevttohusat mielddisbuktet dán:
•Dorvoohcciin integrerenvuostáiváldimiin galgá sáhttit leat bálkkáhis bargohárjehallansadji priváhta ja almmolaš suorggis.
•Dorvoohccit integrerenvuostáiváldimiin galget sáhttit doaimmahit muhtun bargguid vuostáiváldimis. Dát boahtá lassin, eai sii galgga dahkat daid bargguid maid eará bargit vuostáiváldimiin dahket.

Dát dahká ahte sii sáhttet searvat bargohárjehallanoahpahussii ja doaimmahit dakkár bargguid integrerenvuostáiváldimiin maid lea dábálaš bargat iežas ruovttus. Odne eai sáhte dorvoohccit gaskaboddosaš bargolobi haga dahkat bargguid maid bálkáhuvvon bargofápmu dábálaččat dahká, ja sis eaige sáhte leat bargohárjehallansajit.

Gulaskuddanáigemearri lea golggotmánu 13.b.

Justiisa- ja gearggusvuođadepartemeanta sádde evttohusa gulaskuddamii mii boahtá dagahit ahte eanet dorvoohccit sáhttet oažžut gaskaboddosaš bargolobi.