Boazodoallošiehtadallamat boatkanan
Historjjálaš arkiiva
Almmustahttináigodat Regjeringen Stoltenberg II
Almmustahtti: Eanandoallo- ja biebmodepartemeanta
Ođas | Almmustahtton: 21.02.2011
Norgga Boazosápmelaččaid Riikkasearvi (NBR) válljii duorastaga guovvamánu 17. beaivvi botket 2011/2012 boazodoallošiehtadallamiid Stáhtain. Lea vuošttaš geardde šiehtusa áigodagas ahte boazodoallošiehtadallamat boatkanit.
Norgga Boazosápmelaččaid Riikkasearvi (NBR) válljii duorastaga guovvamánu 17. beaivvi botket 2011/2012 boazodoallošiehtadallamiid Stáhtain. Lea vuošttaš geardde šiehtusa áigodagas ahte boazodoallošiehtadallamat boatkanit.
Duogážin lea soabetmeahttunvuohta márkanmuddejeaddji doaibmabijuid oktavuođas, dás čuovvoleames ja heaittiheames muddenrádjosa mii ásahuvvui 2010/2011 áigodagas.
- Geahča 2011 boazodoallošiehtadallamiid loahppaprotokolla (pdf, 386 Kb)
- Stáhta dárkkistuvvon fálaldaga 17.02.2011 rájes (pdf, 8 Mb)
Hirpmahuvvan
- Dán jagáš šiehtadallamat leat leamašan váddásat ja gáibideaddjin. Mun lean sihke hirpmahuvvan ja behtohallan go NBR válljii boktet šiehtadallamiid. Dálá váttis márkandilis, de livččen vuordán ahte NBR livččii váldán ovddasvástádusa ja aktiivvalaččat searvan gávdnamis čovdosiid ealáhusa dálá hástalusaide, dadjá eanandoallo- ja biebmoministtar Lars Peder Brekk.
Stáhta loahpalaš fálaldat dagahii oktiibuot 102,0 miljovnna ruvnno ja ovddiduvvo dál Stuorradiggái loahpalaš mearrideapmái.
Ovdasiidogovvá: Bohccot guohtumin. Govvideaddji. Asgeir Hegestad, Samfoto.