Aktiver Javascript i din nettleser for en bedre opplevelse på regjeringen.no

Reviderejuvvon nationálabušeahtta

Buhtadusortnegat valáštallamii, eaktodáhtolaš suorgái ja kultuvrii guhkiduvvojit, muddejuvvojit ja lasihuvvojit

Dát sisdoallu lea eanet go 4 mánu boaris. Danne sáhttet dieđut leat boarásmuvvan. Ođasmahttojuvvon dieđuid oainnát dás Corona-dilli.

– Buhtadusortnegiid lea dehálaš oažžut doaibmat. Valáštallamii, eaktodáhtolaš suorgái ja kultuvrii guoski buhtadusortnegiid guhkidemiin ja muddemiiguin leat dalle várren badjelaš 1,6 miljárdda kruvnnu dan rájes go corona-njoammudávda leavai Norgii gitta geassemánu 15.b. rádjai, cealká kultur- ja dásseárvoministtar Abid Q. Raja.

– Mii leat veaháš rievdadan kultursuorggi ortnega ja várret 300 miljovnna kruvnnu  buhtadit massojuvvon bileahttadietnasiid, mii mearkkaša ahte kultursuorgi oažžu 3 mánnui oktiibuot 600 miljovnna kruvnnu, joatká stáhtaráđđi.

– Lassin dan ahte várret 300 miljovnna kultursuorgái, de leat maid rievdadan buhtadusortnega valáštallamii ja eaktodáhtolaš suorgái, vai sáhttit buhtadit gitta 70 proseantta dietnasis maid valáštallan livčče ožžon kioskagávppašeamis, vuojánguođáhaga geavaheamis, lahpesgávppašeamis ja básáriin.  Ollu valáštallansearvvit, musihkkakorpsat ja eaktodáhtolaš organisašuvnnat dinejit bures dien lágan gávppašemiin, ja mun háliidivččen ahte dát doarjja veahkehivčče ollugiid birget dán váttis dilis, dadjá kultur- ja dásseárvominister Abid Q. Raja.

Valáštallan- ja eaktodáhtolaš suorgi sáhttá maid nu go dábálaččat ohcat buhtadusa massojuvvon bileahttadietnasiid ovddas. Ráđđehus mearridii cuoŋománu 7.beaivvi guhkidit gildosa lágidit kultur- ja valáštallandoaluid, ollásit dahje belohahkii geassemánu 15.b. rádjai. Danne evttoha ráđđehus joatkit buhtadusortnega láhkaásahusa mii mearriduvvui cuoŋománu 3. beaivvi, muhtun rievdadusaiguin. Eaktodáhtolaš suorggis lea dalle vejolaš ohcat oažžut buhtaduvvot muhtun ráje massojuvvon dietnasiin, ja dilli láhččojuvvo nu ahte eanet doaimmat main ii leat dienasulbmil, ja nu eai mávsse vearu, sáhttet ohcat buhtadusa. Ođđa ortnet váikkuha ruovttoluotta, ja gusto áigodahkii njukčamánu 12.beaivvi rájes gitta  geassemánu 15.beaivvi rádjai.

– Go servodat fáhkka bissánii njukčamánus, de balahuvvui ahte  organisašuvnnat mat lágidit stuora doaluid reastaluvvet. Danne almmuhin hui árrat 1 miljárdda kruvnnu sturrosaš buhtadusortnega gokčat massojuvvon bileahttadietnasiid ja oassálastinmávssuid go doalut eai lágiduvvo, maŋiduvvojit dahje heaittihuvvojit. Vuosttaš vuorus oaččuimet ollu ohcamušaid ja mis lea leamaš buorre gulahallan surggiin, mii lea addán nana vuođu buoridit ortnega. Danne leat mearridan ii dušše muddet ortnega, muhto maiddái stuoridit, nu ahte ortnegii lea dál várrejuvvon oktiibuot 1,6 miljárdda kruvnnu, dadjá kultur- ja dásseárvoministtar.

Kulturráđđi ja Lotteriija- ja vuođđudusbearráigeahčču hálddašit ortnegiid.