Suodjalusa jagi 2024 riikkaidgaskasaš veahkkedoaibma
Ođas | Almmustahtton: 18.12.2023 | Suodjalusdepartemeanta
Suodjalus áigu jagi 2024 joatkit riikkaidgaskasaš veahkkedoaimmaidisguin, ja vuosttažettiin veahkkin nannet NATO kollektiiva suodjalusa. Norga lea addán mearkkašahtti doarjaga Ukrainai maŋŋel falleheami ja áigu joatkit dainna jagi 2024 ja boahttevaš jagiid. Dás oainnát ollislaš gova.
NATO kollektiiva suodjalus
Norga ráhkkanahttá ovtta bataljonsoahtejoavkku NATO Response Force (NRF) várás, mas leat birrasiid 1000 bargi. Norga searvá ain jeavddalaččat fatnasiiguin NATO bissovaš fanasvehkii jagi 2024.
Norga áigu muhtin áigodagaid 2024:s váldit badjelasas ovddasvástádusa NATO soahtegirdigearggusvuođas Islánddas; Iceland Air Policing.
Dieđiheapmi NATO fápmoregistarii NATO Readiness Initiative (NRI) jotkojuvvo dálá dásis.
Veahkki Ukraina soalddáhiid hárjeheapmái olgoriikkas ja Norggas
Norga áigu ain veahkehit bagadalliiguin, oktan dárbbašlaš bargoveagain ja doarjagiin, hárjehallat ukrainalaš soalddáhiid. Norga áigu searvat Operašuvdna Interflexii Stuorra-Británnias, EU hárjehallandoibmii, EU Military Assistance Mission to Ukraine (EUMAM) Duiskkas ja Polskkas, ja vejolaččat veahkehit eará goalmmátriikkaid.
Norga áigu ain doarjut kapasitehtahuksema eksplosiivačorgensuorggis, Explosive Ordanance Disposal (EOD) Litauenis.
Norga searvá muhtun bargooffisearaiguin Security Assistance Group Ukraine (SAG-U) doaimmaide jagi 2024. SAG-U:s lea ovddasvástádus riikkaidgaskasaččat koordineret donašuvnnaid ja veahkkedoaimmaid Ukraina-soađi olis.
Gaskanuorti
Norga joatká oassálastit Operation Inherent Resolve (OIR) koališuvnna oktavuođas Irakas gitta 70 bargiin.
Norga joatká ráđđeaddinmiššuvnnas NATO Mission Iraq (NMI) gitta logiin olbmuin. Našuvnnalaš logistihkkaelemeanta Jordanas jotkojuvvo.
Norga áigu ain searvat smávit bargoveagain Maritime Force (CMF) nammasaš maritiibma vákšunoperašuvdnii Bahrainas. Seamma guoská European Maritime Awareness in The Strait of Hormuz (EMASoH) goziheami oassálastimii Hormuz-guovllus.
Suodjalusa spesiálajoavkkuid hárjehallan Jordanas jotkojuvvo.
Sahel
Suodjalus áigu ain searvat USA jođihan hárjehallanráidui Flintlock ja bidjat bargiid AILCT (The International Academy for the Fight Against Terrorism) hárjehallanguovddážii Elfenbenrittus.
ON-áŋgiruššan ja kapasitehtahuksen
Norga joatká searvat ON-operašuvnnaide UNTSO (Gaska-Nuorttis) ja UNMISS (Lulli-Sudanas). Norga bidjá maiddái unna bargoveagaža riikkaidgaskasaš áicanvehkii MFO Sinaias, mii goziha jagi 1979 Camp David-šiehtadusa. Norga joatká smávit kapasitehtahuksemiin Oarje-Balkánas ja Georgias.
