Oajvvadus Divtasvuona suohkanav juohket

Suohkanådåstusá aktijvuodan sihtá ráddidus juohket Divtasvuona suohkanav Nordlándan. Ráddidus oajvvvat nuorttalulusjbielle sæbrrá Áhkánjárggaj ja Bálágij majt suohkanstivrra juo le mierredam madin oarjjealusjbielle sæbrrá Hábmerij nannitjij julevsáme birrasav. Sámedigge guorras oajvvadussaj suohkanav juohket.

 – Divtasvuona suohkan le mierredam sæbrrat ietjá suohkanijda. Muv mielas lip gávnnam tjoavddusav mij vielet julevsáme gielav ja kultuvrav, ja vielet Divtasvuona dárbov sjattatjit oassen stuoráp suohkanis, javllá suohkan- ja ådåsmahttemminisstar Jan Tore Sanner.

Sjiehtadusá aktijvuodan mij le Oalgesbelludagá, Åvddånahttembelludagá, Risstalasj álmmukbelludagá ja Gårobelludagá gaskan Stuorradikken suohkanådåstusá hárráj, gåhttjun ráddidusáv árvustallat jus Divtasvuona alusjbielle galgaj Hábmerij sæbrrat. Suohkanstivra Áhkánjárgan, Bálágin ja Divtasvuonan le juo åvdebut mærrádusájt dahkam sæbrrat aktan ja ådå suohkanav ásadit.  

Divtasvuona suohkan le uddni ájnna julevsáme suohkan sámegiela háldadimguovlon. Hábmer ja Divtasvuodna le åvdebut dahkam ájggomussjiehtadusáv sæbrrama hárráj, gånnå guorrasijga ådå suohkan galggá liehket oassen sáme háldadimguovlos. Ienemus oasse julevsámijs årru suohkana oarjjealusjbielen, mij le oajvvaduvvam Hábmerij sæbrrat.  

Suohkanådåstusá aktijvuodan le Suohkan- ja ådåsmahttemdepartemænnta áttjak guládallam Sámedikkijn Divtasvuona suohkana sæbrrama ja juohkema hárráj. Sámedigge guorras oajvvadussaj juohket suohkanav.

– Divtasvuona suohkan le uddni juogedum Divtasvuonas, gånnå ienemus oasse julevsámijs årru vuona oarjjealusjbielen. Suohkana juohkem nanni dievnastusfálaldagáv ålles álmmugij Divtasvuonan ja vaddá buorre fálaldagáv julevsáme álmmugij, javllá suohkan- ja ådåsmahttemdepartementaminisstar Jan Tore Sanner.

Ienemus oasse julevsámijs Vuonan årru Divtasvuona, Hábmera ja Oarjje Fuoldá guovlojn. Julevsámegiella le ájtedum giella, ja åhpaduvvá måttijn skåvlåjn.

Mij guosská giellarievtesvuodajda julevsámijda ma årru Divtasvuona nuorttalulusjbielen, sihtá departemænnta aktan Sámedikkijn guládallat suohkanij tjoavddusij gávnnat.

Ráddidus åvdet oajvvadusáv aktisaj proposisjåvnnåj suohkanådåstusá rievddadimij hárráj mij biejaduvvá Stuorradikke åvddåj bæssátjij åvddåla.

 

Suohkan- ja ådåsmahttemdepartementa præssatelefåvnnå: 22 24 25 00