Gáibádusat politiija dávistanáigái

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Politiijasuorggis gáibiduvvo dál dávistanáigi. Álbmot beassá dál vásihit mii báikkálaš politiijas gáibiduvvo hoahppoáššiin. Gáibádusat leat mearriduvvon dálá politiijastruktuvrra, organiserema ja bargiid ektui. – Dát lea rivttes bargu oaččuhit áigái buorre ja beaktilis politiijasuorggi olles riikkas, cealká justiisa- ja gearggusvuođaministtar Anders Anundsen.

Politiijasuorggi dávistanáiggi ođđa nationála gáibádusat gustojit doaimmaide maid ferte hoahpus čađahit. Sáhttet leat dáhpáhusat gos lea heaggavárra, nugo olmmošvahágat dahje eará dáhpáhusat gos politiija ferte sihkkarastit duođaštusaid dahje váldit giddagassii duođalaš rihkusáššiin. Gáibádusat leat sirrejuvvon golmma čoahkkebáikekategoriija mielde mas dávistanáigi mearriduvvo dakkár áššiide maid ferte hoahpus čoavdit. Norgga 27 politiijaguovlluide leat maid mearriduvvon dávistanáiggi gáibádusat.

Gáibádusat leat mearriduvvon diimmá vuosttas jahkebeali mihtidemiid vuođul. Mihtideamit čájehit čielga erohusaid politiijaguovlluid gaskka ja nu leage dávistanáiggi gáibádusat maid iešguđetláganat. Buot guovlluin gusto dál standárda mihtidanvuohki.

Dávistanáigi lea dat áigi dan rájes go politiija oažžu dieđu dáhpáhusa birra ja dassá go politiija lea joavdan dáhpáhusbáikái. 

Dán áŋgiruššama birra sáhtát lohkat dáppe: www.politi.no