Lassiboahkut fállojuvvojit buot rávesolbmuide

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Ráđđehus lea mearridan ahte lassiboahkut galget fállojuvvot buohkaide, geat leat deavdán 18 jagi.

Suohkanat leat juo addigoahtán lassiboahkuid koronadávdda vuostá badjel 65-jahkásaččaide. Ráđđehus pláne ahte lassiboahkut galget fállojuvvot buohkaide gaskal 18 ja 64 jagi boahtte jagi, go lea mannan unnimusat 6 mánu nuppi boahkuheames.   

-Boahkut suddjejit koronadávdda vuostá buoremusat. Mii šaddat eallit njoammudávddain ain máŋga jagi, ja mii sáhttit ovttas fuolahit ahte virus ii leava viidát, muhto mii dárbbašat maiddái dan suddjema maid boahkuheapmi addá. Ráđđehus vuhtiiváldá ÁMI árvvoštallamiid ja lea dál plánegoahtán fállat lassiboahkuid  buot rávesolbmuide, dadjá stáhtaministtar Jonas Gahr Støre. 

 

Njoammudávda leavvá johtilit ollu báikkiin Norggas, ja dat čuohcá garrasit dearvvašvuođasuorgái. Lea stuorit várra duođalaččat buohccát jos njoammudávda viidána menddo sakka. Boahkut eai suddje 100 proseantta dávdda vuostá ja eai ge suddje boarráseamos olbmuid nu bures.

-Lassiboahkut sáhttet rávesolbmuid buorebut suddjet njoammudávdda vuostá ja hehttet dávdda njoammumis viidát. Muhto mii dárbbašat eanet dieđuid dan birra. Danne leat ávžžuhan ÁMI dađis árvvoštallat makkár váikkuhusat ja riskabealit rávesolbmuid lassiboahkuin leat, dadjá dearvvašvuođa- ja fuolahusministtar Ingvild Kjerkol.

ÁMI árvvoštallá čađat sihke njoammundili, dávdalassáneami ja ođđa dieđuid. ÁMI addá dárkilet dieđuid goas lassiboahkuid fállagohtet sidjiide geat leat gaskal 18 ja 64 jagi, ja lea go dárbu ávžžuhusaid rievdadit. Ovdal lea juo mearriduvvon fállat goalmmát boahku sidjiide, geain lea heajos suodjalus dávddaid vuostá, ja ahte badjel 65 jahkásaččat ja dearvvašvuođabargit galget oažžut lassiboahkuid. 

Ollugat ahkejoavkkus 18-64 jagi leat válddihan nuppi boahku oanehat go 6 mánu dassái. Suohkanat fertejit buot ovddimus fállat vuosttaš ja nuppi boahku, ja goalmmát boahku sidjiide geain lea heajos suodjalus dávddaid vuostá, ja fállat lassiboahkuid badjel 65-jahkásaččaide ja dearvvašvuođabargiide, ovdal go sáhttet fállát lassiboahkuid ahkejovkui 18-64 jagi. Dan lassin boahtá vel influeansaboahkuheapmi.