Don sáhtát ohcat Stáhtaministara kantuvrra almmuhuvvon virggiid elektronalaš uskkádaga Jobbnorge bokte. Don sáhtát doppe registreret iežat CV, čállit ohcamuša, ja sáddet mielddusin bargo- ja oahppoduođaštusaid – ja buot sáddet elektronalaččat.
Stáhtaministara kantuvra veahkeha stáhtaministara jođihit ja ovttaidahttit Ráđđehusa barggu. Kantuvra ráhkkanahttá, čađaha ja čuovvola ráđđehuskonfereanssaid, ja Stáhtaráđi čoahkkimiid Gonagasa luhtte. Kantuvra fuolaha almmolaš oktavuođaid ráđđehusa ja Stuoradikki gaskka, ja ovttaidahttá ráđđehusa miellahtuid oassálastimiid Stuoradikki digaštallamiin ja gažadandiimmuin. Kantuvra veahkeha stáhtaministara riikkaidgaskasaš barggus ja das lea maid bargoaddiovddasvástádus buot departemeanttaid politihkkariidda.
Kantuvrras lea politihkalaš bargoveahka mas leat 9 olbmo, ja bissovaš bargoveahka mas leat lagabui 57 olbmo geat leat juhkkojuvvon iešguhtet ossodagaide nugo hálddahus-, sisriikka- ja riikkaidgaskasašossodahkii. Kantuvrras leat ollu áššit ja gáibida bargiid geain lea iešguđetlágan oahppu ja bargoduogáš. Das go buot barggut ja virggit gáibidit dábálaš alla gelbbolašvuođa ja heivvolaš bargoduogáža.
Listu dás vuollelis čájeha rabas virggiid Stáhtaministara kantuvrras. Jos listu lea guorus, de eai leat virggit almmuhuvvon.