Lihkku sámi giellavahkuin
Ođas | Almmustahtton: 26.10.2023 | Eanadoallo- ja biebmodepartemeanta
Lea šaddan árbevierrun ahte Sámediggi čalmmustahttá giellavahku. Giellavahku ulbmilin lea loktet sámegielaid stáhtusa ja buoridit máhtu sámegielaid ja kultuvrra birra olles servodagas.
– Lea sihke gudni ja ovddasvástádus go mun eanandoallo- ja biebmoministtarin maiddái sáhtán gohčodit iežan boazodoalloministtarin. Ovddasvástádus ii leat dušše hálddašit ovtta ealáhusa, muhto maiddái vuhtiiváldit ja ovddidit sámi kultuvrra ja árbevieruid. Ja sámegielat leat maiddái dehálaš oassin das, lohká eanandoallo- ja biebmoministtar.
Boazodoallu lea dehálaš sihke birgenláhkin sámi boazodolliide ja guovlluealáhussan
– Mun áiggun joatkit viidáseappot ovddidit ceavzilis boazodoalu, ja veahkehit ealáhusa ollašuhttit lassi árvoháhkama potensiála. Dát guoská earenoamážit eanet gálvvuid ráhkadeapmái bohccobierggus, muhto maiddái lassiealáhusaid ovdánahttimii, main boazosámi kultuvra ja eallinvuohki lea guovddážis, loahpaha eanandoallo- ja biebmoministtar.
