Stáhtabušeahtta 2018

Nanne Norgga Kulturráđi 12 milliuvnna ruvnnain

Ráđđehus čađaha struktuvrralaš rievdademiid nannen dihte sektovra nanusvuođa ja addit saji eanet hutkkálaš doaimmaide. 2017:s oaččui Norgga Kulturráđđi bargun ásahit Kreativt Norge (Hutkás Norga) Tråantes ja guokte doarjjaortnega ovttaskas dáiddáriidda ja doarjjavuogádaga olles riika hutkkálaš dáiddáriidda. Dan vuoruheami evttohit nannet ja lasihit doarjaga 12 milliuvnna ruvnnain ja viiddiduvvon doaimmaiguin mat maiddái gusket kulturásahusaide.

– Norggas lea leamašan vierrun dustet hástalusaid lasihuvvon almmolaš doarjagiiguin. Norgga kultureallimii galgá ain leat nanu almmolaš ruhtadeapmi, muhto mii fertet seammás nannet dán sektovra dusten dihte daid hástalusaid mat čuvvot eanet globaliserejuvvon ja digitaliserejuvvon servodaga. Danne háliida ráđđehus dan, ahte Norgga Kulturráđđi, mii lea dat njunuš fágabiras dáidda ja kultuvrra dáfus, galgá leat dat mii árjjalaččat duvdá ovdáneami olles sektovrii, lohká kulturministtar Linda Hofstad Helleland.

Gelbbolašvuođaovddideapmi ja ođđajurddašeapmi

Lasihuvvon doarjja galgá adnojuvvot ee. máhttoovddideapmái, gelbbolašvuođaprográmmii, deaivvadanbáikkiide ja eará doaimmaide mat addet ovttaskas dáiddáriidda, unnit kulturfitnodagaide ja ásahuvvon kulturásahusaide vejolašvuođa ovddidit doaimmaidasaset.

– Kultuvrralaš ja hutkkas ealáhus lea eanet go dušše ekonomiija. Dat lea strategalaš ovddidanbargu masa mii háliidit Norgga Kulturráđđi oasálastit. Leat ollu dáiddárat, fitnodagat ja ásahusat mat leat lihkostuvvan ovddidit doaimmaidasaset, olihan ođđa ulbmiljoavkkuid, hástalan ollu gehččiid ja guldaleddjiid ja ásahan ođđa sisaboahtogálduid. Mii fertet bargat dan nala ahte dát máhttu juogaduvvo earáiguin ja ovddiduvvo viidáseappot, lohká Linda Hofstad Helleland. 

Oassin kultuvrralaš ja hutkkas ealáhusa áŋgiruššamiin oaččui Norgga Kulturráđi fágahálddahus 2016 čavčča bargun ásahit Kreativt Norge (Hutkkas Norga). Kantuvrra rahppui borgemánu 18. Beaivve 2017:s Troandimis. Dain kantuvrrain lea maiddái Stáhta dáiddárstipeanda ja Jietna ja govva foanda.

Lasihuvvon doarjja juolluduvvo lassin dan 18,4 milliuvnna ruvdnui mii evttohuvvo jotkojuvvot Kreativt Norge bokte ja dan guovtti doarjjaortnega ektui mat leat dáiddáriidda ja sin doarjjavuogádahkii mii lea miehtá Norgga, ja mii galgá bearráigeahččat ahte dat mii ráhkaduvvo, buvttaduvvo, oliha stuorit álbmoga.

Innovašuvdna Norga oaččui 2017s 29,9 milliuvnna ruvdnosaš doarjaga ja barggu mii guoskái fitnodagaide main lei stuorrunvejolašvuohta ja ambišuvnnat, ja ulbmil lei veahkehit lasihit kultuvrralaš buktagiid ja bálvalusaid investeremiidda ja vuovdimiidda. Norwegian Arts Abroad organisašuvnnat, mat leat Kulturdepartemeantta bušeahtas, ožžo oktiibuot 6 milliuvnna ruvnna lassidoarjjan ja bargun nannet aktevrraid geat barget norgga dáidaga ja kultuvrra márkanastimiin ja vuovdimiin riikkaidgaskasas dásis. Dáid bargguid evttohit joatkit 2018 bušeahtas.