Olbmot geain lea covid- 19 njoammudávda sáhttet leat mielčuovvut riegádahttimis ja galledit duohta buhcciid
Ođas | Almmustahtton: 15.02.2022 | Dearvvašvuođa- ja fuolahusdepartemeanta
Olbmot geain lea covid-19 njoammudávda sáhttet leat mielčuovvut ja galledit duohta buohcci oapmahaččaid geat leat veallamin. Eaktuduvvo ahte galledeapmi čađahuvvo njoammunfágalaš dohkálaš vuogi mielde ja šiehtaduvvo ossodagain.
–Earenoamáš dilálašvuođain ovdamearkka dihte go lea riegádahttime dahje buohcame baguid lea dehálaš ahte lagamuččat leat lahka. Danne láhčit mii vejolašvuođa ahte guoibmi geas lea covid-19 njoammudávda, sáhttá leat fárus riegádahttimis, ja ahte oapmahaččat sáhttet galledit duohta buhcciid ja olbmuid geat leat jápminseaŋggas vaikko leatge njoammuduvvon.
Dát guoská maiddái daidda dáhpáhusaide go pasieanttas lea covid-19 njoammudávda, dadjá dearvvašvuođa- ja fuolahusministtar Kjerkol. Dearvvašvuođa- ja fuolahusbálvalus lea pandemiija vuolde ožžon buori vásáhusa covid- 19 gieđahallamis ja eastadit njoammuma leavvamis bálvalussii. Eanas njoammundáhpáhusaide dearvvašvuođabálvalusas leat olbmot geain eai diehtán lea njoammun leamaš sivvan. Leat raporterejuvvon unnán njoammumat viidásit dáhpáhusain maid leat diehtán.
Dát čájeha ahte dearvvašvuođa- ja fuolahusbálvalusa doaibmabijut eastadit njoammuma covid-19 dáhpáhusain maid leat diehtán leat buorit. Danne oaivvildit Dearvvašvuođadirektoráhtta (Helsedirektoratet, dárogillii) ja Álbmotdearvvašvuođainstituhtta (FHI, dárogillii) ahte galledeaddjit dahje mielčuovvut main lea čájehuvvon covid-19 eai bálljo lasit njoammundeaddaga dahje njoammunvára dearvvašvuođabálvalusas.
Oapmahaččat ja mielčuovvut geain lea covid-19 njoammun fertejit šiehtadit boahtima ovdagihtii ásahusain, ja čuovvut rávvagiid mat addojuvvojit.