Ovdanbukte dán jagáš áittaárvvoštallamiid
Ođas | Almmustahtton: 24.02.2022 | Suodjalusdepartemeanta, Justiisa- ja gearggusvuođadepartemeanta
Odne ovdanbukte Vákšunbálvalus (Etterretningstjenesten), Politiijaid sihkkarvuođabálvalus (Politiets sikkerhetshetstjeneste) ja Nationála sihkkarvuođaeiseváldi (Nasjonal sikkerhetsmyndighet) rabas áitta- ja várraárvvoštallamiiddis jagi 2022 várás.
– Nationála sihkkarvuođaberoštumit leat njuolga dahje eahpenjuolga hástaluvvon, juohke beaivvi, sektoriid ja servodatsurggiid rastá. Lea deaŧalaš ahte nu olusiin go vejolaš lea máhttu dan birra mii sáhttá áitit min sihkkarvuođa. Vákšun- ja sihkkarvuođabálvalusaid graderekeahtes árvvoštallamat sáhttet leat veahkkin dasa, lohká suodjalusministtar Odd Roger Enoksen.
– Áitta- ja várragovva mii almmuhuvvo odne muitala midjiide ahte mii fertet vel čavgadeappot bargat ovttas várjalit árvvuideamet. Danne áiggun mun deattuhit dan dárbbašlaš bálvalusaid gaskasaš ovttasbarggu bálvalusaid, ovttasbarggu gaskal militeara ja siviila doaimmaid, ja gaskal almmolaš ja priváhta fitnodagaid, dadjá justiisa- gearggusvuođaministtar Emilie Enger Mehl.
Suodjalusministtar ja justiisa- ja gearggusvuođaministtar álggaheigga preassakonferánssa. Dan maŋŋil ovdanbukte Vákšunbálvalusa (Etterretnings- tjenesten), viseadmirála Nils Andreas Stensønes, (Politiijaid sihkkarvuođabálvalusa (Politiets sikkerhetstjeneste, PST) hoavda, Hans Sverre Sjøvold ja Nationála sihkkarvuođaeiseválddi (Nasjonal sikkerhetsmyndighet, NSM) hoavda, Sofie Nystrøm, iežaset árvvoštallamiid áigeguovdilis sihkkarvuođa- hástalusaid hárrái.
Gáibidahkes sihkkarvuođadilli
Árvvoštallamat čájehit lea seahkalas ja eahpeeinnosteaddji áittagovva.
– Norggas lea gáibidahkes ja duođalaš sihkkarvuođadilli. Gilvvohallan mii lea stuorrafámuid gaskkas báidná min birrasa. Smávvastáhtan lea Norga suojeheapme, ja earát beroštit min gilvogieradilis industriijas ja gelbbolašvuođas. Mii eallit ovtta dan eanemus digitaliserejuvvon servodagain máilmmis, ja dat dahká min raššin. Guhkes áiggi strategiijaiguin – nu gohčoduvvon seahkalas dahje hybrida áitagiiguin – geahččaleba earenoamážit Ruošša ja Kiinná rievdadit internationála sihkkarvuođahuksehusa. Dat govva gáibida čielga doaibmannávccaid, sihke eiseválddiin ja fitnodagain almmolaš ja priváhta suorggis, dadjá suodjalusministtar Odd Roger Enoksen.
Justiisa- ja gearggusvuođaministtar Emilie Enger joatká.
– Mun ávžžuhan buohkaid, ja earenoamážit fitnodagaid, dovdat PSB:a (PST:a) ja NSE:a (NSM:a) áitta- ja várraárvvoštallamiid. Dat leat buorre vuolggasadji analyseret iežaset vára ja árvvoštallat eastadeaddji doaibmabijuid.
VJS (EOS)-bálvalusaid raporttat
Vákšunbálvalusa raporta Guovdilastin 2022 (Fokus 2022) čilge diliid olggobealde riikka rájiid mat váikkuhit min nationála sihkkarvuođaberoštumiide. Loga dan dás.
PSB:a (PST) nationála áittaárvvoštallan árvvoštallá áitagiid riikka siskkobealde. Loga dan dás.
Raporttas Várra 2022 (Risiko 2022) árvvoštallá NSB (NSM) vára mii lea čadnon min gáhtten veara árvvuide áitagiid ektui maid Bálvalus ja Pb (PST) čilgeba. Loga dan dás.
Raporttat leat buorit vuođđun dasa movt eiseválddit, ja almmolaš ja priváhta fitnodagat barget viidásit nannet nationála sihkkarvuođa.