Ráđđehus nanne Davvi-Norgga buvttadanovdáneami

– Ráđđehusa davviguovlluidstrategiija almmuhuvvui cuoŋománu 21. beaivve. Dan strategiija čuovvoleapmái várrejuvvo njeallje milliuvnna ruvnna Davvi-Norgga buvttadanovddideapmái. Ráđđehus háliida šaddiealáhusaid ja vuordevaš háhkamat galget addit stuorit váikkuhusaid davviguovlluide, dadjá Gielda- ja ođasmahttinministtar Jan Tore Sanner.

Dán nannema galgá Innovasjon Norge jođihit, ja váldá vuhtii daid vásáhusaid mat davvinorgga fylkasuohkaniin leat dákkár bargguin, ee. Buvttadanovddideamis oljo- ja gássaealáhusain Davvi-Norggas (LUNN-prográmma).

– Dáinna vuoruhemiin háliida ráđđehus láhčit dilit ovddidit eanet gilvalannávccalaš buvttadanfitnodagaid ja eanet bargosajiid davviguovllu šaddiealáhusaid siskkobealde, nu go mátkeealáhusa, mearrabiepmuid, petroleuma ja almmolaš infrastruktuvrra, lohká stáhtaráđđi Sanner.

– Dál mii čohkkedit njunnálagaid davviguovlluid buvttadeddjiiguin ságastallat sisdoalu ja mainnalágiin čađahit nannenbargguid, deattuha son.

Dákkár nannenbargu galgá buktit ovttasbarggu buvttadeddjiid gaskka, nu ahte dát fitnodagat ožžot eanet máhtu márkaniid gáibádusaid ja dárbbuid birra. Dat nanne vejolašvuođaid ceavzit buorebut go gilvala dáid šaddi luondduvuođustuvvon ealáhusain bargguid ja háhkamiid nalde, ja daid almmolaš háhkamiid nalde mat leat plánejuvvon davás. Ulbmiljoavku dás leat davvi-norgga fitnodagat.

 

Gielda- ja ođasmahttindepartemeantta preassatelefuvdna: 22 24 25 00