Sámi giellavahkku čalmmustahttojuvvo govvačájáhusain

Gielda- ja ođasmahttindepartemeanta bovde iluin govvačájáhussii mii lágiduvvo olgun sámi giellavahkku 2020 čalmmustahttima oktavuođas.

Designfitnodat Árvu lea hábmen govvačájáhusa mas lea ođasmahttán Árbi govvaprošeavtta: “Giella lea min árbi. Ovdal, dál ja boahttevaš buolvvaid”, mii čájehuvvui Álttás diimmá giellavahkus.  

Sámi giellavahkku ulbmil lea bajidit sámegielaid árvvu ja lasihit dieđuid sámegielaid ja sámi kultuvrra birra olles servodagas.

-Sámegielat leat oassi min oktasaš kulturárbbis. Čájáhus čalmmustahttá sámegielaid gávpogis, ja lea buorre vuohki buoridit álbmoga dihtomielalašvuođa sámegielaid birra, dadjá guovlo- ja digitaliserenministtar Linda Hofstad Helleland. 

Čájáhus lea rabas vuossárgga golggotmánu 19.beaivvi rájes sotnabeaivái golggotmánu 25.beaivvi rádjái, čájehanbáikkis Anne-Cath. Vestlys plass i Bjørvika, Oslo.

Loga eanet sámegiella vahkku birra dáppe