Soabadit šiehtadusčovdosa Fovse-áššái
Preassadieđáhus | Almmustahtton: 15.05.2023 | Maŋimuš ođasmahttojuvvon: 18.10.2023 | Energiijadepartemeanta
Riikasoabaheaddji Mats Ruland lea miehtan Oljo- ja energiijadepartementii soabahit Fovse-ášši bealálaččaid gaskka, vai nagodivčče gávdnat šiehtadallančovdosiid áššái.
Rulanda ii galgga doaibmat riikasoabaheaddjin, muhto leat neutrála olmmožin, gii lea hárjánan bargat iešguđetlágan šiehtadallamiiguin ja soabahemiiguin. Soabaheaddjijoavkkus leat sus fárus čuovvovaš olbmot: diggegoddeduopmár Hanne Sofie Bjelland ja boazodoalli Tom Kristian Lifjell.
–Fovse-ášši lea hui gáibideaddji ášši ja ii galgga leat dan duohken ahte eat leat geahččalan gávdnat buot vejolaš čovdosiid. Mun sávan ahte lea vejolaš gávdnat čovdosa soabatlaš šiehtadusa bokte, juoga maid sáhttá dahkat soabahanproseassain neutrála soabaheaddji vehkiin. Šiehtadallančovdosiin sáhttá jođáneappot čielggadit ášši, go muđui livčče dahkat, mii buohkaide boađáše ávkin, lohká Oljo- ja energiijaministtar, Terje Aasland.