Eaiggátossodat

Dearvvašvuođa- ja fuolahusdepartemeanta hálddaša eaiggátvuođa guvllolaš dearvvašvuođadoaimmahagaide ja Norsk helsenett SF:i. Eaiggátossodaga váldobargu lea áimmahuššat eaiggátstivrema.

Spesialistadearvvašvuođabálvalusa stáhtalaš eaiggátvuohta lea juhkkojuvvon njealji guvllolaš dearvvašvuođadoaimmahahkii (RHF). Dan njealje guvllolaš dearvvašvuođadoaimmahagaid vuolde leat buohcciviesut ja eará spesialistadearvvašvuođabálvalusaid organiserejuvvon sierran dearvvašvuođadoaimmahahkan (HF).

Dat njealje guvllolaš dearvvašvuođadoaimmahaga áimmahuššet sihke eaiggátvuođa iežaset vuollásaš dearvvašvuođadoaimmahatjoavkkuide ja ovddasvástádus sihkkarastit dearvvašvuođabálvalusaid guovllu álbmogii. Dearvvašvuođadoaimmahagat leat iešheanalaš riektesubjeavttat main leat jođiheaddjit guvllolaš ja báikkálaš dásiin. Norsk helsenett SF áimmahuššá našuvnnalaš beroštumiid sihkkaris IKT-infrastruktuvrra doaimma ja ovdánahttima oktavuođas olles dearvvašvuođa- ja fuolahussektoris. Eaiggátossodat galgá aktiivvalaččat atnit eaiggátveahkkeneavvuid ja dan bokte sihkkarastit strategalaš ja operatiiva stivrema dan njealji guvllolaš dearvvašvuođadoaimmahagas ja Norsk helsenett SF:s.

Ossodagas lea earret eará ovddasvástádus ráhkkanahttit doaimmahusčoahkkimiid, ja čuovvulit stivrengáibádusaid mat gaskkustuvvojit čoahkkimiin. Ossodagas lea erenoamáš ovddasvástádus organisatuvrralaš ja ekonomalaš stivrengáibádusaid ja rámmaeavttuid ovddas.

Ossodatjođiheaddji: Ekspedišuvdnahoavda Målfrid Bjærum

Ossodaga čuovvovaš sekšuvnnat:

  • Organiserema ja stivrema sekšuvdna

    Sekšuvnna barggut gullet stáhtaráđi guvllolaš dearvvašvuođadoaimmahagaid ja Norsk helsenett SF eaiggátstivrema ráhkkaneapmái, ja stivrengáibádusaid čuovvuleapmái.

  • Ekonomalaš stivrema sekšuvdna

    Sekšuvnna barggut gullet stáhtaráđi guvllolaš dearvvašvuođadoaimmahagaid eaiggátstivrema ráhkkaneapmái, ja stivrengáibádusaid čuovvoleapmái, mas ekonomiija ja investeremat deattuhuvvojit.