Mediabearráigeahčču
Olggut doaibma | vuollásaš etáhta | Kultur- ja dásseárvodepartemeanta
Mediabearráigeahčču lea stáhtalaš bearráigeahččo- ja hálddašanorgána mii čađaha Stuoradikki, Ráđđehusa ja Kulturdepartemeantta mearridan lágaid ja mearrádusaid. Mediabearráigeahčču galgá fuolahit ahte cealkinfriddjavuođa, riektesihkarvuođa ja ealli demokratiija guoski servodatulbmilat devdojuvvojit.
Bargui gullá ovddidit diđolašvuođa mánáid digitála media- ja dihtorspeallogeavaheami birra, fuolahit rádio- ja tv-sáddagiid njuolggadusaid ja bearráigeahččat ahkerádjemearrádusaid kinofilmmaid ja Norgga tv-kanála- ja vod-bálvalusprográmmaid oktavuođas. Ahkerádjemearrádusat ja -bearráigeahčču gusket maiddái videográmmaide, nu go DVD/Blu-ray. Bearráigeahčču hálddaša maiddái mediadoarjaga.
Mediabearráigeahčču stivre ovdamearkka dihte eaiggátosiid háhkamiid mat dagahivčče ahte mediat čoahkkanivčče bearehaga ovtta sadjái nationála ja regionála dásis.
Mediabearráigeahčču lea ráđđeaddi instánsa interneahta ja dihtorspealuid oktavuođas.
Mediabearráigeahčču goziha áibmomedia (almmolaš áibmomediaeavttuid, máidnosiid ja sponsemiid ja ja mánáid ja nuoraid suddjendoaimmaid) ja lea konsešuvdna- ja registrereneiseváldi báikkálaš áibmomediaid ja eará áibmomediaid várás. Láhka rabasvuođa birra mediaeaiggátvuođa olis nanne ahte Mediabearráigeahčču galgá váikkuhit stuorát rabasvuhtii, fuomášupmái ja máhttui Norgga mediaid eaiggátdiliid birra. Mediabearráigeahčču galgá čohkket ja systematiseret dieđuid eaiggátdiliid birra, ja dieđut galget biddjot olámuddui almmolašvuhtii.
Mediabearráigeahčču hálddaša iešguđetge doarjjaortnegiid, ovdamearkka dihte preassadoarjagiid aviissaide ja sierra publikašuvnnaide, doarjagiid geavahanvuđot mediadutkamii ja lassioahpuide ja doarjagiid báikkálaš áibmomediaulbmiliidda.
Neahttasiidu: https://medietilsynet.no/